The news is by your side.

Advertisement

ْ’پرائمری اسکول یکم جون سے قبل نہیں کھلیں گے’

لندن: برطانوی وزیر اعظم بورس جانسن نے نئے لاک ڈاؤن قوانین کا اعلان کر دیا ہے، انھوں نے واضح کیا ہے کہ لاک ڈاؤن میں نرمی کی جا رہی ہے لیکن پرائمری اسکول یکم جون سے قبل نہیں کھلیں گے۔

میڈیا سے گفتگو کرتے ہوئے وزیر اعظم بورس جانسن کا کہنا تھا کہ لاک ڈاؤن نہیں ہٹا سکتے، نئے قوانین کے تحت لاک ڈاؤن میں نرمی کر دی ہے، ڈرائیونگ اور کام کی محدود اجازت دی جا رہی ہے، خاندان کے افراد بھی اب مل کر گھروں سے باہر کھیل کود سکیں گے۔

برطانوی وزیر اعظم نے کہا کہ یہ لاک ڈاؤن سے نکلنے کا پہلا مرحلہ ہے، صورت حال بہتر رہی تو جولائی میں ریسٹورنٹ بھی کھول دیں گے، لیکن اگر مسائل بڑھے تو دوبارہ سختی سے گریز نہیں کریں گے۔

کروناوائرس: وہ ملک جو سب سے خطرناک مرحلے میں داخل ہوسکتا ہے

انھوں نے کہا اسکول اور دکانیں مرحلہ وار کھولی جائیں گی، اسکول، کاروبار کھلنے کا انحصار وبا کی صورت حال پر ہے، تاہم پرائمری اسکول یکم جون سے قبل نہیں کھلیں گے، اور برطانیہ میں داخل ہونے والے تمام مسافر 14 روز قرنطینہ میں رہیں گے۔

خیال رہے کہ برطانیہ ہلاکتوں میں امریکا کے بعد دوسرا بڑا ملک بن چکا ہے، گزشتہ چوبیس گھنٹوں کے دوران 268 نئی اموات کے بعد برطانیہ میں مجموعی اموات 31,855 ہو گئی ہیں، جب کہ متاثرہ افراد کی تعداد بھی 2 لاکھ 19 ہزار سے بڑھ گئی ہے، برطانیہ نے تاحال صحت یاب ہونے والے مریضوں کا ڈیٹا جاری نہیں کیا۔

fb-share-icon0
Tweet 20

Comments

comments

یہ بھی پڑھیں