نیویارک: شعبہ صحافت سے تعلق رکھنے والی نوجوان لڑکی نے مقابلہ حسن کا تاج اپنے سر پر سجا لیا۔
بین الاقوامی میڈیا رپورٹ کے مطابق مس امریکا 2021 کے لیے حال ہی میں مقابلے کا انعقاد کیاگیا، جس میں 50 سے زائد ماڈلز نے ریمپ پر واک کی۔
نتائج کا اعلان ہونے سے قبل تمام ماڈلز کو اسٹیج پر بلایا گیا، جس کے بعد جیوری نے پہلی دوسری اور تیسری پوزیشن حاصل کرنے والی ماڈلز کے نام پکارے۔
I have the sweetest work family. This is my last day before I head to compete at Miss USA and this is what I found on my desk this morning. Thank you @WHAS11 I can’t thank you enough for all of your support. pic.twitter.com/v0CxPy1Q4y
— Elle Smith (@ellesmithtv) November 16, 2021
مس امریکا منتخب ہونے اعلان سنتے ہی جرنلزم کی تیئس سالہ ایلی اسمتھ طالبہ کی آنکھوں میں آنسو چھلک پڑے اور وہ جذبات پر قابو نہیں رکھ سکیں۔
جیوری ممبران نے ایلی کو تاج پہنایا تو ہال میں بیٹھے حاضرین نے تالیاں بجا کر خوشی کا اظہار کیا۔
انہوں نے اعزاز ملنے پر خوشی کا اظہار کرتے ہوئے کہا کہ وہ مستقبل میں عالمی مقابلہ حسن میں حصہ لے کر امریکا کی نمائندگی کریں گی۔
What a moment! #NABJCongrats to our very own @ellesmithtv of @WHAS11 who is the new @MissUSA !!!!! 🎊 🎊 🎊 https://t.co/AC7qDFKZzN
— #NABJ Headquarters (@NABJ) November 30, 2021
ایلی اسمتھ امریکی نشریاتی ادارے اے بی سی سے وابستہ اور بطور ملٹی میڈیا جرنلسٹ اپنے فرائض انجام دے رہی ہیں۔