بھارت: مینڈک کی نئی نسل دریافت -
The news is by your side.

Advertisement

بھارت: مینڈک کی نئی نسل دریافت

نئی دہلی: بھارتی کے تحقیقاتی ماہرین نے مینڈک کی نئی نسل دریافت کرلی جو بھارت کے جنوبی پہاڑی علاقے میں پائی جاتی ہے۔

بھارتی میڈیا رپورٹس کے مطابق نئی دہلی کی تحقیقاتی ٹیم کو بھارت کے جنوب میں واقع مغربی گٹ کے پہاڑی علاقے سے منفرد مینڈک ملا جس کا منہ چھوٹا ہے۔

تحقیقاتی ٹیم کی رکن سونالی گارک کے مطابق ’چھوٹے منہ والے مینڈک کو میسٹیکیولس کا نام دیا گیا، ہم اس نسل پر گزشتہ تین برس سے تحقیق کررہے تھے جس کا نتیجہ بالآخر مل گیا‘۔

اُن کا کہنا تھاکہ مینڈک کی یہ نسل اب تک دنیا کی نظروں سے اوجھل تھی، اُن کا تولیدی عمل سارا سال میں صرف چار دن ہوتا ہے اور اسی دوران وہ پہاڑوں سے نکل کر زمین پر آتے ہیں۔

سونالی گارگ کا مزید کہنا تھا کہ ’سال 2016 میں کھدائی کے دوران مینڈکوں کی چار نسلیں دریافت ہوئیں تھیں جن پر ہم نے مطالعہ شروع کردیا تھا‘۔

مزید پڑھیں: غار کی گہرائی میں رہنے والی خوبصورت مچھلی دریافت

تحقیقی ٹیم کے سربراہ ایس ڈی بیجو کا کہنا تھا کہ مینڈک کی نئی قسم دریافت ہونے کے حوالے سے مائیکروہلڈ نے بھی تصدیق کردی جبکہ جلد عالمی ماہرین بھی مغربی علاقے کا دورہ کریں گے۔

یاد رہے کہ تحقیقاتی ماہرین کرہ ارض پر رہنے والی مخلوق کے بارے میں جاننے کی کوشش کرتے ہیں جس میں آئے روز پیشرفت بھی سامنے آتی ہے، گزشتہ ماہ جنوری میں امریکی محققین نے 10 روز کی تلاش کے بعد  غار میں رہنے والی خوبصورت مچھلی دریافت کرلی۔

Comments

comments

یہ بھی پڑھیں