The news is by your side.

Advertisement

امریکا میں شٹ ڈاؤن، صدر ٹرمپ کی ڈیموکریٹس کو نئی پیشکش

واشنگٹن: امریکی تاریخ کا طویل ترین شٹ ڈاؤن برقرار ہے، صدر ڈونلڈ ٹرمپ نے معاملے کے حل کے لیے ڈیموکریٹس کو نئی پیشکش کردی۔

تفصیلات کے مطابق امریکا میں تاریخی شٹ ڈاؤن برقرار ہے، فریقن کے درمیان کامیاب مذاکرات کے کوئی آثار تاحال نظر نہیں آرہے تاہم امریکی صدر ڈونلڈ ٹرمپ نے ایک نئی پیشکش کردی۔

غیر ملکی خبر رساں ادارے کے مطابق امریکی صدر کا کہنا ہے کہ ڈیموکریٹس دیوار کے لیے پیسے منظور کریں شٹ ڈاؤن ختم ہوجائے گا، بدلے میں امیگرنٹس کیلئے ڈاکا پروگرام میں توسیع کے لیے تیار ہوں۔

انہوں نے کہا کہ 7لاکھ ڈاکا امیگرینٹس کو مزید 3سال کے لیے پرمٹ جاری کریں گے، ڈاکا امیگرینٹس کو ورک پرمٹ بھی جاری کریں گے۔

ڈونلڈ ٹرمپ کا کہنا تھا کہ عارضی اسٹیٹس امیگرینٹس کے ویزوں میں 3سالہ توسیع کے لیے بھی تیار ہوں، امریکا میں اس وقت 3 لاکھ افراد کے پاس رہائش کا عارضی پرمٹ ہے۔

ان کا مزید کہنا تھا کہ ڈیموکریٹس اگر پیشکش قبول کر لیں تو شٹ ڈاؤن ختم ہوجائے گا، ری پبلکن سینیٹر نیا بل اس ہفتے کانگریس میں پیش کریں گے، دیوار کی تعمیر سے امریکا میں جرائم کی شرح میں نمایاں کمی آئے گی۔

اگرہم نے سرحد کومحفوظ نہیں بنایا تو ہم بے وقوف ہوں گے‘ امریکی صدر

دوسری جانب ڈیموکریٹس نے امریکی صدر کی پیش کش ٹھکرا دی، ہاؤس اسپیکر نینسی پلوسی نے صدر ٹرمپ کی پیشکش مسترد کرتے ہوئے اسے نامنظور قرار دے دیا۔

نینسی کا کہنا تھا کہ ٹرمپ نے ڈریمرز، ٹی پی ایس امیگرینٹس کے مسائل کا مستقل حل پیش نہیں کیا، امریکی صدر کے نئے بل کا کانگریس سے منظور ہونے کا کوئی امکان نہیں ہے۔

Comments

comments

یہ بھی پڑھیں