The news is by your side.

Advertisement

پاکستان میں اومیکرون کے نئے ویرینٹ کا پہلا کیس ، اہم انکشاف سامنے آگیا

کراچی : اومیکرون کا نیا ویرینٹ قطر سے پاکستان میں داخل ہوا، معمولی علامات والا مریض اب صحتیاب ہے جبکہ مریض کے خاندان کے تمام افراد کی ٹیسٹ رپورٹ منفی آئی۔

تفصیلات کے مطابق وزیرصحت عبدالقادرپٹیل کی زیرصدارت قومی ادارہ صحت میں اجلاس ہوا ، جس میں سیکرٹری وزارت صحت ،ڈی جی ہیلتھ صفدررانا شریک ہوئے جبکہ صوبائی صحت ومتعلقہ حکام نے ویڈیولنک پر اجلاس میں شرکت کی

اجلاس کو بریفنگ دیتے ہوئے بتایا گیا کہ اومیکرون کا نیا ویرینٹ قطر سے آئے مسافرمیں پایا گیا تھا، اومیکرون کی معمولی علامات والا مریض اب صحتیاب ہے اور مریض کے خاندان کے تمام افراد کی ٹیسٹ رپورٹ منفی آئی۔

وزیرصحت عبدالقادرپٹیل نے بتایا کہ کورونا صورتحال کی کڑی مانیٹرنگ کی جارہی ہے ، موجودہ صورتحال تشویشناک نہیں ، گزشتے ہفتےکوروناسےکوئی موت نہیں ہوئی۔

عبدالقادرپٹیل کا کہنا تھا کہ کوروناسے نمٹنے کیلئے بھرپور اقدامات یقینی بنا رہے ہیں، وفاق،صوبے مربوط حکمت عملی کے تحت اقدامات اٹھا رہے ہیں، ٹیسٹنگ، ویکسی نیشن کا عمل مزید تیز کرنے کی ضرورت ہے۔

یاد رہے دو روز قبل قومی ادارہ صحت نے سماجی رابطے کی ویب سائٹ ٹوئٹر پر ملک میں اومی کرون کے نئے سب ویرینٹ کورونا کیس کی تصدیق کرتے ہوئے کہا تھا کہ اومی کرون سب ویرینٹ بی اےٹوبارہ ون کاپہلاکیس سامنےآگیا ہے ، نئی قسم کے ویرینٹ سے مختلف ممالک میں کیسز بڑھ رہے ہیں۔

Comments

یہ بھی پڑھیں