The news is by your side.

Advertisement

نیا پاکستان بنا کر رہیں گے، جہانگیر ترین

لاہور: تحریک انصاف کے مرکزی رہنماء جہانگیر ترین نے کہا ہے کہ نیا پاکستان بنا کر رہیں گے، پانامہ لیکس پر وزیراعظم کو مستعفی ہونا چاہیئے۔

مرید کے میں تحریک انصاف کے رہنماء میاں خالد جاوید کی جانب سے دیئے گئے افطار ڈنر سے خطاب کرتے ہوئے مرکزی رہنماء جہانگیر ترین کا کہنا تھا کہ پارٹی کو گروپنگ سے بچانے کیلئے انٹرا پارٹی الیکشن ملتوی کئے، اب تمام مل کر نون لیگ کا مقابلہ کرینگے۔

انہوں نے کہا کہ تحریک انصاف نے نیا پاکستان بنانے کا اعلان کیا ہے، اسے بنا کر رہیں گے، ملک کو مسلم لیگ نون کے چنگل سے ہر صورت میں آزاد کرائیں گے۔

ان کا کہنا تھا کہ پانامہ لیکس کی تحقیقات اور وزیر اعظم کو مستعفی ہونا چاہیئے، حکمرانوں نے ملکی دولت لوٹ کر باہر بھجوا دی اور ملک کو کنگال کر دیا ہے۔

دوسری جانب ملتان میں تحریک انصاف کے رہنما کی رہائش گاہ پر میڈیا سے گفتگو کرتے ہوئے شاہ محمود قریشی کا کہنا تھا کہ تحریک انصاف سب کا احتساب چاہتی ہے پانامہ لیکس میں جن کے نام ہیں وە کمشن کے کٹہرے میں آکر جواب دیں انہوں نے کہا کہ احتساب کے عمل سے جمہوریت مزید مضبوط ہو گی نا کہ کمزور ہو گی۔

شاہ محمود قریشی کا کہنا تھا کہ ویر اعظم کی صحت اجازت دیتی ہے تو انہیں وطن تشریف لے آنا چاہیئے کیونکہ بہت سے معاملات میں ملک کو ان کی ضرورت ہے۔

شاہ محمود قریشی نے کہا کہ اب افغان مہاجرین کا واپس جانے کا وقت آ گیا ہے پاکستان نے 30 سال تک مہاجرین کی مہمان نوازی کی ہے، اگر حکومت مزید وقت افغانیوں کو ملک میں رکھنا چاہتی ہے تو کے پی کے گورنمنٹ کی مدد کرے۔

Print Friendly, PDF & Email

Comments

comments

یہ بھی پڑھیں