امریکا میں نو دریافت شدہ کیڑا صدر اوباما سے منسوب -
The news is by your side.

Advertisement

امریکا میں نو دریافت شدہ کیڑا صدر اوباما سے منسوب

میامی: امریکی سائنس دانوں نے ایک نئے دریافت شدہ کیڑے کو امریکی صدر بارک اوباما کو خراج تحسین پیش کرنے کے لیے ان کے نام سے منسوب کردیا۔

کیچوے کی شکل کا یہ چپٹا کیڑا ملائیشیا میں پایا گیا اور کچھوؤں میں مختلف اقسام کی بیماریوں کا سبب بنتا ہے۔ ماہرین کے مطابق یہ بہت کم پایا جاتا ہے۔ اس کا نام امریکی صدر بارک اوباما کے نام پر کوائنڈ بارکٹریما اوبامئی رکھا گیا ہے۔

مزید پڑھیں: کئی عشروں بعد نئی اینٹی بائیوٹک دریافت

یہ دریافت امریکی ریاست انڈیانا کے سینٹ میری کالج میں پروفیسر تھامس پلیٹ کی جانب سے کی گئی۔ وہ ایک طویل عرصہ سے کچھوؤں کی مختلف بیماریوں پر تحقیق کر رہے ہیں۔

انہوں نے بتایا کہ یہ کیڑا اپنے میزبان کے جسم پر حملہ آور ہونے تک سخت جدوجہد کرتا ہے جبکہ اسے شکار کے مدافعتی نظام کی جانب سے شدید مزاحمت کا سامنا بھی ہوتا ہے۔

obama

ان کے مطابق وہ اس سے قبل بھی کئی دریافتوں کا نام ان لوگوں کے نام پر رکھ چکے ہیں جنہوں نے انہیں متاثر کیا۔

ماہرین کا کہنا ہے کہ یہ دریافت انسانوں میں پھیلنے والی بیماری سسٹوسومائسس کے علاج کے لیے بھی مفید ثابت ہوگی جو کچھوؤں اور گھونگے وغیرہ جیسے جانداروں سے تعلق کے باعث ہوتی ہے۔

مزید پڑھیں: انسان کو جرم پر اکسانے والا جین دریافت

نیشنل سائنس فاؤنڈیشن کی جانب سے کی جانے والی یہ تحقیق کچھوؤں کی افزائش میں اضافہ کے لیے بھی معاون ثابت ہوگی جنہیں غیر قانونی تجارت اور رہائش گاہوں میں کمی کے باعث معدومی کا خدشہ لاحق ہے۔

کچھوے کی غیر قانونی تجارت پر پڑھیئے تفصیلی رپورٹ

Comments

comments

یہ بھی پڑھیں