تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جدہ کے شہریوں کے لیے خوشخبری

ریاض: سعودی عرب کے شہر جدہ میں شہریوں کی تفریحی سہولت اور شہر کی خوبصورتی کے لیے مزید 3 نئے عوامی پارکس قائم کیے جارہے ہیں۔

سعودی ویب سائٹ کے مطابق سعودی شہر جدہ میں مزید 3 عوامی پارک قائم کیے جا رہے ہیں تاکہ معاشرے کا ہر طبقہ سبزہ زاروں اور تفریحی مقامات سے لطف اٹھا سکے اور سبزہ زاروں کے حوالے سے فی کس حصے میں اضافہ ہوجائے۔

جدہ میونسپلٹی نے ٹویٹرپر اپنے بیان میں کہا کہ الفضیلۃ محلے میں 12 ہزار 586 مربع میٹر کے پلاٹ پر ایک پارک تیار کیا جا رہا ہے۔

میونسپلٹی کے مطابق دوسرا پارک الریاض محلے میں 11 ہزار 500 مربع میٹر اور تیسرا پارک الریان محلے میں 5 ہزار 545 مربع میٹر کے پلاٹ پر تیار کیا جارہا ہے۔

تینوں پارک مکمل ہونے پر جدہ شہر کے سبزہ زاروں میں خوبصورت اضافہ ہوں گے۔

خیال رہے کہ جدہ کو چہل قدمی کی سہولتوں سے آراستہ شہر ہونے کا اعزاز حاصل ہے، شہر میں سب سے زیادہ واکنگ ٹریکس ہیں جن پر بچے، جوان، خواتین اور بزرگ سب ہی چہل قدمی کرتے نظر آتے ہیں۔

شہر میں 49 کلو میٹر طویل 23 واکنگ ٹریکس قائم ہیں۔ جدہ واٹر فرنٹ کا واکنگ ٹریک سب سے طویل ہے۔ یہ 4 ہزار 500 میٹر طویل اور 10 میٹر چوڑا ہے، دوسرے نمبر پر امیر فواز محلے کا واکنگ ٹریک آتا ہے۔ یہ بھی اتنا ہی طویل ہے البتہ اس کی چوڑائی 15 میٹر ہے۔

شام کے وقت فیملیز چہل قدمی کے لیے واکنگ ٹریکس پر نظر آتی ہیں جبکہ صبح سویرے بھی بڑی تعداد میں لوگ ورزش اور چہل قدمی کرتے ہوئے نظر آتے ہیں۔

Comments

- Advertisement -