The news is by your side.

Advertisement

نئی شپنگ پالیسی لارہے ہیں، جلد اعلان کریں گے، وفاقی وزیرعلی زیدی

کراچی: وفاقی وزیرپورٹ اینڈشپنگ علی زیدی نے کہا ہے کہ پورٹ قاسم پر ڈریجنگ کررہے ہیں، پچھلی حکومتوں میں پورٹس کی زمینوں پر قبضے کرائے گئے۔

اپنے ایک بیان میں وفاقی وزیر کا کہنا تھا کہ نئی شپنگ پالیسی لارہے ہیں، جلد اعلان کریں گے، لینڈگریبنگ کرنے والوں کے نام پریس کانفرنس میں بتاؤں گا۔

علی زیدی کا کہنا تھا کہ پورٹس کا کئی سال سے ایکسٹرنل آڈٹ نہیں کیا گیا، کراچی پورٹ کی جیٹی بھی کچرے سے بھر چکی تھی، نالوں کی صفائی سے کراچی میں حالیہ بارش سے مسئلہ نہیں ہوا۔

انہوں نے کہا کہ نئی شپنگ کے حوالے سے جلد اعلان کریں گے، اس سے متعلق حکمت عملی بھی تیار کرلی گئی ہے۔

وفاقی وزیر کا مزید کہنا تھا کہ کلین گرین مہم کا دوسرا مرحلہ شروع ہوگیا ہے، کچرا صفائی کيليے وزیربلدیات ناصرشاہ کو آن بورڈ لیا ہے۔

Comments

comments

یہ بھی پڑھیں