The news is by your side.

Advertisement

کوئٹہ: مسلم لیگ ن اور ق کے منحرف اراکین کل نئی سیاسی پارٹی کا اعلان کریں گے

کوئٹہ: مسلم لیگ ن کے منحرف اراکین، مسلم لیگ ق اور سیاسی و قبائلی رہنما کل نئی پارٹی کا اعلان کریں گے، جس کے  بیش تر معاملات طے پاگئے ہیں۔

تفصیلات کے مطابق مسلم لیگ ن اور مسلم لیگ ق کے منحرف اراکین اور مختلف سیاسی و قبائلی رہنماؤں کی جانب سے کل نئی پارٹی کا اعلان کیا جائے گا۔ یہ اعلان آج متوقع تھا، مگر وزیراعلیٰ بلوچستان کے اسلام آباد سے لوٹنے میں تاخیر کے باعث اعلان کل تک کے لیے موخر ہوگیا۔

واضح رہے کہ بلوچستان کے وزیر اعلیٰ میر عبد القدوس بزنجو اور جعفر مندوخیل نے ساتھیوں سمیت مسلم لیگ ق کو خیر باد کہہ دیا ہے۔

ذرائع کا کہنا ہے کہ نئی پارٹی کے سلسلے میں معاملات طے کیے جارہے ہیں۔ نئی پارٹی کا نام بلوچستان عوامی پارٹی یا بلوچستان پروگریسو پارٹی رکھا جائے گا۔ نئی سیاسی جماعت میں قبائلی شخصیات کے علاوہ دیگر جماعتوں سے بھی لوگ شامل ہوں گے۔

ذرائع کے مطابق پارٹی کی سربراہی کے لیے جام کمال، میر عبد القدوس بزنجو، جان جمالی یا نواب چنگیز مری کے نام متوقع کیے جارہے ہیں۔

یاد رہے کہ بلوچستان اسمبلی میں سابق وزیر اعلیٰ بلوچستان نواب ثنا اللہ زہری کے خلاف تحریک عدم اعتماد پیش کی گئی تھی جس کے بعد ثنا اللہ زہری اپنے عہدے سے مستعفی ہوگئے تھے۔

ان کے مستعفی ہونے کے بعد عبدالقدوس بزنجو کو صوبہ بلوچستان کا وزیر اعلیٰ نامزد کیا گیا تھا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں