The news is by your side.

Advertisement

کوٹ لکھپت جیل کے نئے منصوبے دیگر جیلوں کیلئے رول ماڈل ہیں،علیم خان

لاہور : وزیر خوراک علیم خان نے کوٹ لکھپت جیل کے دورے کے موقع پر کہا کہ کوٹ لکھپت جیل کے نئے منصوبے دیگر جیلوں کیلئے رول ماڈل ہیں۔

تفصیلات کے مطابق وزیر خوراک پنجاب پاکستان تحریک انصاف کے سینئر رہنما علیم خان نے بدھ کے روز سینئر افسران کے ہمراہ کوٹ لکھپت جیل کا دورہ کیا، اور شجر کاری مہم کے سلسلے میں جیل میں پودا بھی لگایا۔

ماحولیاتی تبدیلی کے سلسلے میں علیم خان نے کوٹ لکھپت جیل میں پانچ سو درخت لگانے کا عطیہ دیا، اس موقع پر سینئر رہنما پاکستان تحریک انصاف کا کہنا تھا کہ قیدیوں کو روزمرہ کی بنیادی سہولتیں ملنی چاہیئں۔

علیم خان کا کہنا تھا کہ کوٹ لکھپت جیل کے نئے منصوبے دیگر جیلوں کےلیے رول ماڈل ہیں، انہوں نے جیلوں کی اپ گریڈیشن کا عمل تیز کرنے کےلیے افسران کا ہدایت بھی جاری کی۔

اس سے قبل علیم خان کا کہنا تھا کہ ملک میں مشکلات اور چیلنجز کے باوجود ترقی کا سفر جاری ہے،وزیر اعظم کا وژن ملک کو ترقی وخوشحالی سے ہمکنار کر رہا ہے۔

انہوں نے بتایا تھا کہ جون میں ساڑھے 17 کروڑ ڈالر کی سرمایہ کاری ہوئی،ٹیلی کام،مائیکرو فنانس بینکنگ پراجیکٹ میں زیادہ سرمایہ کاری ہوئی،بھاری سرمایہ کاری وزیر اعظم کی شخصیت پراعتماد کا اظہار ہے۔

Comments

یہ بھی پڑھیں