نومنتخب وزیراعلیٰ پنجاب سردارعثمان بزدار آج حلف اٹھائیں گے -
The news is by your side.

Advertisement

نومنتخب وزیراعلیٰ پنجاب سردارعثمان بزدار آج حلف اٹھائیں گے

لاہور: جنوبی پنجاب سے تعلق رکھنے والے نومنتخب وزیراعلیٰ پنجاب سردار عثمان بزدار آج حلف اٹھائیں گے۔

تفصیلات کے مطابق پنجاب کے بیسویں اورجنوبی پنجاب سے تعلق رکھنے والے سردار عثمان بزدار پانچویں وزیراعلیٰ پنجاب ہیں جو اپنے عہدے کا حلف اٹھائیں گے۔

حلف برداری کی تقریب شام 5 بجے گورنرہاؤس میں ہوگی، قائم مقام گورنر پرویز الہیٰ نومنتخب وزیراعلیٰ عثمان بزدار سے حلف لیں گے۔

وزیراعلیٰ پنجاب کی حلف برداری کی تقریب میں نگراں وزیراعلیٰ حسن عسکری کابینہ سمیت شریک ہوں گے۔

خیال رہے کہ گزشتہ روزاسپیکر چوہدری پرویز الہیٰ کی زیرصدارت اجلاس کے دوران نئے قائد ایوان کا انتخاب عمل میں لایا گیا تھا۔

پاکستان تحریک انصاف کے سردارعثمان بزدار نے 189 جبکہ ان کے مد مقابل مسلم لیگ ن کے حمزہ شہبازنے 159 ووٹ حاصل کیے تھے۔

نومنتخب وزیراعلیٰ عثمان بزدار کی تقریر

تحریک انصاف کے عثمان بزدار نے وزیراعلیٰ پنجاب منتخب ہونے کے بعد اسمبلی میں خطاب کرتے ہوئے کہا تھا کہ ہماری سب سے پہلی ترجیح گڈ گورننس، کرپشن کا خاتمہ ہے۔

عثمان بزدار کا کہنا تھا کہ ہم نے اداروں کوبہترکرنا ہے، ہم نے اسٹیٹس کو کا خاتمہ کرنا ہے، اپنی بہترین ٹیم لائیں گے اور ساری توانائی عوامی خدمت میں لگائیں گے۔

عثمان بزدار کا انتخاب پنجاب میں نئے دور کا آغاز ہے، عمران خان

واضح رہے کہ گزشتہ روز وزیرِاعظم عمران خان نے پنجاب کے نو منتخب وزیرِ اعلیٰ سردار عثمان بزدار کو ٹیلی فون کرکے مبارک باد دی تھی۔

عمران خان کا کہنا تھا کہ ’سردار عثمان بزدار کے انتخاب سے پنجاب میں نئے دور کا آغاز ہوا ہے۔‘

Comments

comments

یہ بھی پڑھیں