تازہ ترین

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کراچی والوں ہوشیار ! 3 سے 4 دن میں ایک اور بارش برسانے والا نظام آرہا ہے

کراچی : محکمہ موسمیات نے کراچی میں مزیدبارشوں کی پیشگوئی کرتے ہوئے خبردار کیا ہے کہ آئندہ تین سے چار روز میں بارش کے ایک اور سسٹم کی آمد متوقع ہے ، مون سون سیزن تیس ستمبرتک جاری رہنے کا امکان ہے۔

تفصیلات کے مطابق محکمہ موسمیات نےایک اورالرٹ جاری کرتے ہوئے کہا 3سے 4دن میں ایک اوربارش برسانے والا نظام آرہا ہے ، آنےوالا نظام خاصا طاقتور ہوسکتا ہے، مون سون سیزن تیس ستمبر تک جاری رہنے کا امکان ہے۔

چیف میٹرولوجیسٹ سردار سرفراز کا کہنا ہے کہ بارش برسانے والا سسٹم بحیرہ عرب اور بھارتی گجرات پرموجود ہے، بارش کے سسٹم کےباعث سمندری ہوائیں بند اورحبس ہے، نظام کی وجہ سے شہر میں حبس اور شدیدگرمی کا مزید 2 دن تک امکان ہے ۔

محکمہ موسمیات کا کہنا ہے کہ بارش برسانے والا نظام منگل تک شہر میں موجود رہےگا ، آج اور کل شہر میں گرج چمک کے ساتھ بارش کا امکان ہے۔

کراچی کے مختلف علاقوں میں وقفے وقفے سے بارش کا سلسلہ جاری ہے ، صدر، نمائش چورنگی،گرومندر ،جہانگیر روڈ، تین ہٹی، لیاقت آباد ، سرجانی ٹاؤن ، اورنگی ٹاؤن، ناظم آباد میں بادل وقفے وقفے سےبرس رہے ہیں، کئی شاہراہوں پر پانی جمع ہوناشروع ہوگیا ہے تاہم بلدیاتی عملہ غائب ہے۔

دوسری جانب ملک کے دیگر حصوں میں مون سون بارشوں کا سلسلہ وقفے وقفے سے جاری ہے، محکمہ موسمیات کے مطابق کوہاٹ، مالاکنڈ، قلات، ژوب، سبی، راولپنڈی،گوجرانوالہ، لاہور، بہاولپور، ڈی جی خان اور کشمیر میں چند مقامات پر تیز ہواوٗں اورگرج چمک کیساتھ مزید بارش ہوسکتی ہے۔

Comments

- Advertisement -