The news is by your side.

Advertisement

بارش برسانے والا سسٹم آج کراچی میں داخل ہوگا: محکمہ موسمیات

کراچی: شہرقائد میں بارش برسانے والا سسٹم آج سہہ پہر میں داخل ہوگا، جس کے باعث شہر میں تیز بارشوں کا امکان ہے۔

تفصیلات کے مطابق محکمہ موسمیات کا کہنا ہے کہ بارش کا نیا سسٹم آنے کے بعد مون سون کا پہلامرحلہ آج کراچی میں بادل برسائے گا۔

محکمہ موسمیات نے بتایا ہے کہ کراچی میں منگل تک تیزبارش کا سلسلہ جاری رہنے کا امکان ہے، جبکہ طوفانی بارشوں کی بھی پیشگوئی کی گئی ہے جس کے پیش نظر میری ٹائم انفارمیشن سینٹر نے الرٹ جاری کردیا۔

فشریز، کے پی ٹی اور پورٹ قاسم سمیت ماہی گیری سے منسلک افراد کو محتاط رہنے کی خصوصی ہدایات جاری کردی گئیں، ملک کے بالائی حصوں میں مون سون کا بڑا سسٹم موجود ہے۔

محکمہ موسمیات کا کہنا تھا کہ مون سون کا سسٹم 48گھنٹے میں میدانی علاقوں کا رخ کرے گا، یہ سسٹم سندھ بھر میں بارشوں کا سبب ہوگا۔

انتظامیہ نے کے پی ٹی اور پورٹ قاسم انتظامیہ کی جہازوں کے کپتانوں کو بھی حفاظتی اقدامات کی ہدایت کردی اور کہا ہے کہ چینل، بندرگاہوں پر موجود جہازوں کے لنگر دگنے کردیے جائیں۔

کراچی کے مختلف علاقوں میں بوندا باندی‘ موسم خوشگوار

خیال رہے کہ کراچی میں گذشتہ دو دنوں سے بوندا باندی اور ہلکی بارشوں کا سلسلہ جاری ہے، شہر قائد کے مختلف علاقوں میں ہونے والی بونداباندی کے باعث موسم خوشگوار ہوگیا، ٹھنڈی ہواؤں سے شہریوں کے چہرے کھل اٹھے اور شہری گھروں سے باہر نکل آئے۔

Comments

یہ بھی پڑھیں