ریاض: سعودی عرب نے نمایاں خصوصیات کا حامل نیا ’ای پاسپورٹ‘ جاری کر دیا۔
تفصیلات کے مطابق سعودی عرب نے عالمی معیار کے مطابق نمایاں خصوصیات کا حامل نیا ’ای پاسپورٹ‘ جاری کر دیا ہے۔
سعودی سرکاری نیوز ایجنسی کے مطابق وزیر داخلہ شہزادہ عبدالعزیز بن سعود نے جمعرات کو محکمہ پاسپورٹ ریاض کی عمارت میں نئے ای پاسپورٹ کا افتتاح کیا۔
نئے ای پاسپورٹ میں ایک سم رکھی گئی ہے جس کی بدولت پاسپورٹ ہولڈر کا مکمل ڈیٹا سیکیورٹی اسٹینڈرڈ مضبوط ہوگیا ہے، اس میں ایک خصوصیت یہ بھی ہے کہ بین الاقوامی ایئر پورٹس، بندرگاہوں اور سرحدی چوکیوں پر ای گیٹ استعمال کرتے وقت مشینی ریڈنگ ممکن ہوگی۔
#PICTURES: Minister of Interior Prince Abdulaziz Bin Saud Bin Naif (@AbdulazizSNA) has launched on Thursday a new electronic passport for #Saudi citizens.https://t.co/ntNZEpxSgr pic.twitter.com/CTXrAxfakN
— Saudi Gazette (@Saudi_Gazette) February 10, 2022
نئے سعودی پاسپورٹ کے صفحات کو مملکت کے مشہور ترین قابل دید تاریخی اور تمدنی مقامات سے مزین کیا گیا ہے۔
وزیر داخلہ کو اس موقع پر محکمہ پاسپورٹ کی ابتدا سے لے کر اب تک کی تاریخ پر مشتمل ویڈیو دکھائی گئی جس میں اس کے اہم کارناموں اور مختلف اداروں سے ملنے والے ایوارڈز کا بھی تذکرہ شامل تھا۔
وزیر داخلہ نے اس موقع پر وزارت داخلہ، وزارت خزانہ، سعودی ڈیٹا اینڈ آرٹیفشل انٹیلیجنس اتھارٹی کی مشترکہ کاوشوں سے نئے ای پاسپورٹ کے افتتاح کی دستاویز پر دستخط بھی کیے۔
