The news is by your side.

Advertisement

نعرہ ’کرونا سے ڈرنا نہیں‘ ختم، نیا سلوگن جاری

اسلام آباد: حکومت نے کرونا سے ڈرنا نہیں لڑنا ہے کا نعرہ تبدیل کر دیا، اس سلوگن کو ختم کرتے ہوئے نیا سلوگن جاری کر دیا گیا۔

تفصیلات کے مطابق حکومت نے اسلامی نظریاتی کونسل کی تجویز پر نعرہ کرونا سے ڈرنا نہیں لڑنا ہے، ختم کر دیا، وزارت مذہبی امور نے کرونا سلوگن کے حوالے سے باقاعدہ نوٹیفکیشن بھی جاری کر دیا۔

وزارت مذہبی امور نے کہا ہے کہ اب حکومت کا نیا نعرہ یہ ہوگا ’کرنا وبا ہے، احتیاط جس کی شفا ہے۔‘

نوٹیفکیشن میں کہا گیا ہے کہ سلوگن ’کرونا سے ڈرنا نہیں لڑنا ہے‘ کے استعمال کی ممانعت ہوگی، آئندہ سے آگاہی کے لیے’کرونا وبا ہے، احتیاط جس کی شفا ہے‘ استعمال کیا جائے۔

واضح رہے کہ حکومت نے اسلامی نظریاتی کونسل کی سفارش پر وفاقی کابینہ کی منظوری کے بعد یہ نوٹیفکیشن جاری کیا ہے۔

کرونا آگاہی مہم کا سلوگن ’’کرونا سے ڈرنا نہیں لڑنا ہے‘‘ تبدیل کرنے کی تجویز

یاد رہے کہ 9 مارچ کو وفاقی کابینہ نے کرونا وبا آگاہی مہم کے لیے سلوگن تبدیل کرنے کی رائے دی تھی، کابینہ اجلاس میں یہ تجویز لاہور ہائی کورٹ میں دائر رٹ پٹیشن کے بعد سامنے آئی تھی۔

وفاقی کابینہ میں بتایا گیا کہ اس سلسلے میں اسلامی نظریاتی کونسل کی واضح رائے موصول ہو چکی ہے، وبا اللہ تعالیٰ کی جانب سے تنبیہ ہے جو رجوع الی اللہ کا تقاضا کرتی ہے، اس لیے آگاہی مہم سے متعلق یہ کہنا زیادہ مناسب ہوگا ’کرونا وبا ہے، احتیاط جس کی شفا ہے۔‘

Comments

یہ بھی پڑھیں