The news is by your side.

Advertisement

سعودی عرب: توکلنا ایپ پر عارضی مسائل کے بعد نئی سروس کا اجراء

ریاض: سعودی عرب میں کرونا وائرس سے بچاؤ اور معلومات کے لیے لانچ کی جانے والی ایس ایم ایس ایپ پر آنے والی مشکل کو مستقل طور دور کرنے کے لیے متعلقہ محکمے نے اقدامات اٹھا لیے۔

تفصیلات کے مطابق کرونا وائرس سے بچاؤ اور معلومات کے لیے توکلنا ایپ کی رجسٹریشن لازمی قرار دی گئی تھی، اس عارضی ’ایس ایم ایس‘ سروس پر گزشتہ 24 گھنٹوں کے دوران 200 ملین سے زائد رجسٹریشن کی کارروائیاں ریکارڈ کی گئیں۔

سعودی محکمہ برائے اعداد و شمار اور مصنوعی ذہانت ’سدایا‘ کے ترجمان ماجد الشھری نے بتایا کہ توکلنا ایپ پر ایک دم رجسٹریشن کرانے والوں کا پریشر بڑھنے سے ایپ عارضی طور پر معطل ہو گئی تھی جس کی وجہ سے لوگوں کو کافی مشکلات کا سامنا کرنا پڑا۔

انھوں نے کہا کہ توکلنا ایپ پر ہونے والے غیر معمولی ’لوڈ‘ کے باعث وقتی طور پر پیش آنے والی مشکلات اور فنی خرابی کو مستقل بنیاد پر حل کیا جا رہا ہے، فنی ماہرین اس مشکل کو دور کرنے کی بھرپور صلاحیت رکھتے ہیں۔

سعودی عرب: کرونا وائرس سے متعلق ایپ تکنیکی مسائل کا شکار

ترجمان الشھری نے مزید کہا کہ ہنگامی بنیادوں پر ابشر اور توکلنا کے رجسٹرڈ صارفین کے لیے ایس ایم ایس سروس بھی متبادل کے طور پر جاری کی گئی ہے جس کے ذریعے لوگوں کی مشکلات وقتی طور پر حل ہو جائیں گی۔

واضح رہے سعودی عرب کے متعدد شہروں میں کرونا احتیاطی تدابیر کے حوالے سے لوگوں کو ہدایات جاری کی گئی تھیں کہ وہ اپنے موبائل فونز پر’توکلنا‘ ایپ انسٹال کریں جس کے ذریعے صارف کی صحت کے بارے میں اہم معلومات اپ لوڈ کی جاتی ہیں تاکہ اس سے یہ معلوم ہو سکے کہ اکاؤنٹ ہولڈر کرونا وائرس میں مبتلا نہیں۔

Comments

یہ بھی پڑھیں