کراچی : محکمہ موسمیات نے کراچی میں پھر 15 اگست کو بارش کی پیشگوئی کردی اور کہا بارش کا سلسلہ 16 اگست تک وقفے وقفے سے جاری رہے گا۔
تفصیلات کے مطابق محکمہ موسمیا ت نےکراچی میں پھربارش کی پیشگوئی کردی، ،چیف میٹرولوجسٹ نے کہا راجستھان کی جانب سےنیاسسٹم کراچی کی جانب بڑھ رہاہے، سسٹم کےباعث کراچی میں15اگست کی دوپہرسےہلکی بارش کا امکان ہے۔
چیف میٹرولوجسٹ کے مطابق ماڈریٹ بارشوں کا نیا سسٹم زیریں سندھ کو متاثر کرے گا اور 16 اگست تک بارش کا سلسلہ وقفے وقفے سے جاری رہے گا۔
اس سے قبل چیف میٹ کا کہنا تھا کہ بارش کا سسٹم جنوب مغرب سے سمندر میں داخل ہوگیا، کراچی میں اب تیز بارشوں کا امکان نہیں ، عید کے تین دن موسم ابرالود رہے گا، ہلکی بوندا باندی ہوسکتی ہے۔
یاد رہے گزشتہ دو روز جاری رہنے والی بارش نے کراچی کا نظام درہم برہم کردیا ہے ، اکثر علاقوں کی سڑکیں اور گلیاں تالاب کا منظر پیش کررہی ہیں۔
دوہفتے کے دوران کےالیکٹرک کی نااہلی اورغفلت نے تینتیس افراد کو موت کی نیند سلا چکی ہے تاہم ابھی تک ادارے کے خلاف کوئی کارروائی نہیں کی گئی۔
بعد ازاں وزیراعظم عمران خان نے کراچی کی صورت حال کا نوٹس لیتے ہوئے کراچی سے منتخب تمام ارکان اسمبلی کو عید پر اپنے حلقوں میں رہنے کی ہدایت کی تھی۔
