دبئی: متحدہ عرب امارات روڈ اور ٹرانسپورٹ اتھارٹی نے مصنوعی ذہانت کا استعمال کرتے ہوئے پارکنگ فیس کی خلاف ورزیوں کی نشاندہی کے لیے ایک نیا اسمارٹ سسٹم متعارف کرادیا ہے۔
تفصیلات کے مطابق یہ نیا سسٹم دبئی ٹریفک پولیس کی گاڑیوں کے اوپر نصب کیا گیا ہے جس کو گاڑی میں بیٹھے ہوئے پولیس آفیسرز پارکنگ میں کھڑی ہوئی گاڑیوں کی اسکیننگ کے لیے استعمال کریں گے۔
پولیس آفیسر کو گاڑی سے باہر نکلنے کی ضرورت پیش نہیں آئے گی وہ گاڑی میں بیٹھ کر ہی پارکنگ فیس کی خلاف ورزی کرنے والی گاڑیوں کی نشاندہی کرسکیں گے۔
یہ اقدام متحدہ عرب امارات کی روڈ اور ٹرانسپورٹ اتھارٹی کے مصنوعی ذہانت کے ادارے کی جانب سے اٹھایا گیا ہے، ادارے کی جانب سے سوشل میڈیا ویب سائٹ ٹویٹر پر ویڈیو شیئر کی گئی ہے جس میں دیکھا جاسکتا ہے کہ نئے سسٹم پر مشتمل گاڑیاں کیسے کام انجام دیں گی۔
#RTA launched Smart Scan System for parking fee payment. For more details, visit: https://t.co/OuTQlDLinJ pic.twitter.com/qftBoeo98m
— RTA (@RTA_Dubai) April 18, 2018
مزید پڑھیں: یو اے ای کا ڈرائیونگ لائسنس 50 ممالک میں کارآمد ہوگا
واضح رہے کہ متحدہ عرب امارات کا ڈرائیونگ لائسنس دنیا کے پچاس ممالک میں کارآمد ہے، یو اے ای جاری کردہ ڈرائیونگ لائسنس کے حامل افراد ان ممالک میں گاڑی چلانے اور کرایے پر گاڑی حاصل کرنے کے مجاز ہوں گے۔
رپورٹ کے مطابق جن ممالک میں ڈرائیونگ لائسنس کارآمد ہوگا ان میں سعودی عرب، بحرین، کویت، عمان، الجیریا، جارڈن، موروکو، سیریا، لبنان، یمن، صومالیہ، سوڈان، امریکا، برطانیہ، آئرلینڈ، سنگاپور، کینیڈا، پولینڈ، ترکی، چائنہ، فن لینڈ، ترکی، پولینڈ، نیوزی لینڈ ودیگر شامل ہیں۔
واضح رہے کہ متحدہ عرب امارات کا ڈرائیونگ لائسنس کے حصول کے لیے متعلقہ شخص کو 40 کلاسز لینا ہوتی ہیں پھر ٹیسٹ میں کامیاب افراد کو لائسنس فراہم کیا جاتا ہے۔
