پاکستان کرکٹ بورڈ نے دھند کے خدشات کو مدنظر رکھتے ہوئے پاک زمبابوے میچز کے اوقات جاری کر دیے۔
کھیل کے لیے سازگار موسم کی اہمیت کو دیکھتے ہوئے پی سی بی نے کھلاڑیوں کو اسموگ کے خطرات سے بچانے کے لیے کھیل جلد شروع کرنے کا فیصلہ کیا ہے۔
راولپنڈی میں ہونے والے ایک روزہ میچز کا آغاز دن 12 بجے ہوگا جب کہ لاہور میں شیڈول ٹی ٹوئنٹی میچز 3:30 بجے شروع ہوں گے۔
PCB announces revised itinerary for Zimbabwe series
MORE: https://t.co/xmyFDchG2u #PAKvZIM pic.twitter.com/Ll3LFsafdl
— PCB Media (@TheRealPCBMedia) October 11, 2020
پی سی بی کہنا ہے کہ نئے شیڈول کے تحت پاکستان اور زمبابوے کے درمیان 30 اکتوبر، یکم اور 3 نومبر کو ون ڈے راولپنڈی میں کھیلے جائیں گے۔
پی سی بی کے مطابق 7، 8 اور 10 نومبر کو ٹی ٹوینٹی میچز لاہور میں ہوں گے۔ جبکہ زمبابوے کرکٹ ٹیم 20 اکتوبر کو پاکستان پہنچے گی۔
