تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

امریکی فوج نے سال نو پر بم برسائے جانے کے ٹویٹ پر معافی مانگ لی

واشنگٹن: امریکی فوج نے سال نو پر بم برسائے جانے والے ٹویٹ پر معافی مانگ لی، امریکی فوج نے سال نو 2019 پر ٹویٹر پر ایک تصویر شیئر کی تھی جس میں ایک جہاز کو بم برساتے دکھایا گیا تھا۔

تفصیلات کے مطابق ٹویٹ میں امریکی فوج کے ترجمان کی جانب سے لکھا گیا تھا کہ ہر سال کی طرح ٹائمز اسکوائر پر بڑی گیندیں برسانے کی روایت ہے اگر کہیں ضرورت پڑی تو ہم اس سے کئی بڑی چیزیں برسانے کے لیے تیار ہیں۔

اس ٹویٹ کے بعد سے امریکی فوج کو صارفین کی جانب سے تنقید کا سامنا کرنا پڑا اور وہ اپنے اس ٹویٹ کو ڈیلیٹ کرنے پر مجبور ہوگئی، ٹویٹ سے ایسا ظاہر ہوتا تھا جیسے امریکا سال نو کا آغاز تباہیوں سے کرنا چاہتا ہے۔

امریکی اسٹریٹیجک کمانڈ نے اس کی جگہ نیا ٹویٹ کرتے ہوئے معافی مانگی اور کہا کہ اس سے قبل جاری کیا جانے والا بیان ہماری روایات کا عکاس نہیں جس پر معذرت خواہ ہیں۔

امریکی اسٹریٹیجک کمانڈ نے مزید کہا کہ ہم امریکا اور اس کے اتحادیوں کی سیکیورٹی کے لیے وقف ہیں۔

قبل ازیں ناقدین کی جانب سے امریکی فوج کے ٹویٹ پر ناراضی کا اظہار کیا گیا تھا، امریکا حکومتی اقدار کے سابق سربراہ والٹر شوغاب جونیئر نے کہا کہ اس ملک کو کیسے لوگ چلا رہے ہیں۔

Comments

- Advertisement -