site
stats
بزنس

امریکہ کی جانب سے حبیب بینک پرجرمانے میں کمی

نیویارک : امریکی محکمہ برائے مالیاتی امور نے حبیب بینک لمیٹڈ پر عائد جرمانے میں کمی کردی ، حبیب بینک کواب بائیس کروڑ پچاس لاکھ ڈالر کاجرمانہ ادا کرنا ہے۔

تفصیلات کے مطابق مالیاتی امورکنٹرول کرنے کے امریکی محکمے نے ایچ بی ایل پرعائد جرمانے میں کمی کردی، امریکی بینکنگ ریگولیٹری کے مطابق اب حبیب بینک کوچودہ دنوں میں ساڑھے بائیس کروڑ ڈالرجرمانہ ادا کرنا ہے۔

نیویارک کے ڈپارٹمنٹ آف فنانشل سروسز نے حبیب بینک کو نیویارک میں برانچ بند کرنے کا بھی حکم دیا ہے۔

خیال رہے کہ حبیب بینک پہلے ہی اپنی برانچ بند کرنے کا فیصلہ کرچکا ہے، بینک کے مطابق بینک کے بزنس اورسروسسز پر اسکے اثرات مرتب نہیں ہونگے، تاہم ڈیویڈنٹ اوراسٹاف بونسسز کے بارے میں بورڈ فیصلہ کرے گا۔


مزید پڑھیں : امریکا نے حبیب بینک پر بھاری جرمانہ عائد کردیا


اس فیصلے کے بعد ایچ بی ایل کیلئے امریکی مارکیٹ بند ہوگئی۔

واضح رہے کہ امریکی ڈیپارٹمنٹ آف فنانشل سروس کی جانب سے حبیب بینک پرتریسٹھ کروڑ ڈالر کا جرمانہ عائد کیا گیا تھا، حبیب بینک پر پیشہ وارانہ غفلت خلاف ورزی کرنے اور اسکریننگ کیے بغیر بعض افراد کو کروڑوں ڈالر ٹرانسفر کرنے کا الزام ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top