نیو یارک : پیزا ایک ایسی چیز ہے، جسے بچے ہوں یا بڑے ہر ایک میں بے حد پسند کیا جاتا ہے اور ہر کوئی اسے شوق سے کھاتا ہے، دنیا میں ہر جگہ پزا یکساں طور پرمقبول ہے لیکن امریکہ میں ایک ایسا پیزا بنایا گیا ہے ، جس پر سونے کے ورق لگے ہیں لیکن اسے آرڈر کرنے سے پہلے اپنا اکاونٹ ضرور دیکھ لیجئے گا۔
امریکی شہر نیویارک کے ایک مشہور ریسٹورنٹ نے ایک ایسا لاجواب پیزا متعارف کروایا ہے، جسے دنیا کا مہنگا ترین پیزا قرار دیا جا رہا ہے، پیزا کو 24 قیراط سونے میں لپیٹا ہوا ہے اور اسے ’دی فینسی زا‘ کا نام دیا گیا ہے۔
چیف شیف کا کہنا ہے کہ اسکی تیاری میں کئی کھانے کی مہنگی چیزیں استعمال کی گئی ہیں، تاہم اس میں سب سے مہنگی چیز سونا ہے، یہ واقعی مہنگا ترین پیزا ہے ، لیکن کھانے کے شوقین افراد کیلئے یہ قیمت کچھ بھی نہیں۔
اس پیزا کی قیمت دو ہزار ڈالر ہے جو پاکستانی دو لاکھ روپوں سے کچھ زیادہ ہے۔
اگر آپ کو بھی یہ پیزا کھانا ہے تو نیویارک پہنچ جائیں لیکن اس پیزا کیلئے 48 گھنٹے پہلے آرڈر دینا پڑے گا۔
