نیویارک: امریکا میں شدید برفباری سے معمول زندگی بری طرح متاثر ہوگئے، مقامی حکومت نے برف کے طوفان کے باعث انتظامیہ ایمرجنسی نافذ کر تے ہوئے اقدامات شروع کردیے۔
تفصیلات کے مطابق امریکی ریاست نیویارک گزشتہ دو روز سے شدید برفباری کی لپیٹ میں ہے، ٹائم اسکوائر پر برفانی طوفان کے باعث سیکڑوں گاڑیاں پھنس گئیں اور شہری مفلوج ہوکر رہ گئے۔
انتظامیہ نے ہنگامی اقدمات کرتے ہوئے ہیوی مشینری طلب کرلی اور سڑکوں سے برف ہٹانے کا کام شروع کردیا ہے، محکمہ موسمیات سے جاری اعلامیے کے مطابق برفباری کا سلسلہ مزید کچھ روز جاری رہے گا۔
محکمہ موسمیات کے مطابق نیویارک کی سڑکوں پر ایک فٹ سے زائد برف جمع ہے جس کی وجہ سے پچاس میل فی گھنٹہ کی رفتار سے طوفانی ہوائیں چل رہی ہیں جس کے باعث موسم مزید سرد ہوگا۔
انتظامیہ کے مطابق برفباری کے باعث دس لاکھ طالب علم اسکول جانے سے قاصر ہیں، شہریوں کو ہدایت جاری کیں ہیں کہ وہ بلا جواز گھروں سے باہر نہیں نکلیں۔
