site
stats
کھیل

کرائسٹ چرچ ٹیسٹ:نیوزی لینڈنے3وکٹوں پر104رنزبنالیے

کرائسٹ چرچ: پاکستان اور نیوزی لینڈ کے درمیان ٹیسٹ میچ کی پہلی اننگز میں میزبان ٹیم نے 3وکٹوں کے نقصان پر104رنزبنالیے۔

تفصیلات کےمطابق نیوزی لینڈ کے ہیگلے اوول گراؤنڈ میں کھیلے جارہے ٹیسٹ میچ میں پاکستان کے 133 رنز کے میزبان ٹیم نے دوسرے روز کھیل کے اختتام پر3 وکٹوں کے نقصان پر 104 رنز بنا لیے۔

میزبان ٹیم کی پہلی وکٹ 6رنز پرگری جب فاسٹ بالر محمد عامر نے ٹام لیتم کو آؤٹ کیا اور دوسری وکٹ کپتان کین ولیمسن کی 4رنزپر اور تیسری وکٹ ٹیلر کی 11رنز پرگری۔

دوسرے روز کھیل کے اختتام پر میزبان ٹیم نیوزی لینڈ کی جانب سے جیت راول نے 55اور ہینری نکولس نے 29رنزپر بیٹنگ کررہے ہیں۔

مزید پڑھیں:کرائسٹ چرچ ٹیسٹ:پاکستانی ٹیم 133 رنز پر آؤٹ

اس سے قبل نیوزی لینڈ کی جانب سے پاکستان کےخلاف تباہ کن پولنگ کا مظاہرہ کیاگیاجس کے نتیجے میں پاکستانی ٹیم محض 133 رنز کے اسکور پر ڈھیر ہوگئی۔

نیوزی لینڈ کی جانب سے کولن گرینڈ ہوم نے تباہ کن بالنگ کا مظاہرہ کرتے ہوئے 6 پاکستانی بلے بازوں کو پویلین کی راہ دکھائی جبکہ ٹم ساؤتھی اور ٹرینٹ بولٹ کے حصے میں انفرادی طور پر 2، 2 وکٹیں آئیں۔

واضح رہے کہ نیوزی لینڈ نے آخری مرتبہ 1985 میں پاکستان کے خلاف سیریز میں فتح حاصل کی تھی لیکن اس کے بعد نیوزی لینڈ کامیابی حاصل نہ کرسکی جبکہ پاکستان نے پانچ ٹیسٹ سیریز میں فتح حاصل کی جبکہ3 ٹیسٹ سیریز ڈرا ہوئیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top