The news is by your side.

Advertisement

ریسکیو اہل کاروں نے 28 وھیل مچھلیوں کی جانیں بچا لیں (تصاویر)

ولنگٹن: نیوزی لینڈ میں ساحل پر آ کر پھنسنے والی 28 وھیل مچھلیوں کو ریسکیو آپریشن کے ذریعے واپس سمندر میں چھوڑ دیا گیا۔

تفصیلات کے مطابق نیوزی لینڈ میں فیئر ویل اسپٹ نامی ساحل پر امدادی ٹیموں نے ساحل پر پھنسی پائلٹ مچھلیوں کو ریسکیو کرتے ہوئے سمندر میں واپس چھوڑ دیا۔

برطانوی نشریاتی ادارے کے مطابق پائلٹ وھیلز فیئر ویل اسپٹ کے ساحل پر پانی کے بہاؤ کے ساتھ آگئی تھیں، جن میں سے 15 وھیلز ساحل پر پھنسے رہنے کی وجہ سے مر گئیں۔

ماہرین سمندری حیات نے بتایا کہ ساحل پر آنے والی وھیل مچھلیوں کو دو بار سمندر میں چھوڑا گیا تھا تاہم وہ کسی وجہ سے پھر ساحل پر آ گئیں، جوناح نامی تنظیم کے عہدے دار دارین گرور کا کہنا تھا 40 کے قریب پائلٹ وھیل مچھلیوں کو سمندر میں چھوڑا گیا تھا لیکن دوسرے ہی روز وہ ساحل پر واپس آگئیں۔

ماہرین کا کہنا ہے کہ یہ ابھی تک واضح ہیں ہو سکا ہے کہ ساحل پر وھیلز کیسے پھنس جاتی ہیں، پائلٹ وھیلز کے ساحل پر پھنسنے کے امکانات زیادہ ہوتے ہیں، اس حوالے سے کئی مفروضے موجود ہیں، بعض ماہرین کا خیال ہے کہ وھیل مچھلیاں اپنے شکار کے تعاقب میں راستہ بھول جاتی ہیں اور ساحل پر آ جاتی ہیں۔

یہ بھی کہا جاتا ہے کہ ایک وھیل مچھلی پورے گروہ کو غلطی سے ساحل پر لے آتی ہے۔ محققین کے مطابق کم پانی میں وھیل مچھلی کی آواز کے سگنل کام نہیں کرتے جس کی وجہ سے انھیں پتا نہیں چلتا کہ پانی کتنا گہرا ہے، اس لیے وہ ساحل کے قریب بھٹک سکتی ہے۔

Comments

یہ بھی پڑھیں