ساؤتھمپٹن: نیوزی لینڈ نے بھارت کو دلچسپ مقابلے کے بعد 8 وکٹوں سے شکست دے کر ورلڈ ٹیسٹ چیمپئن شپ جیت لی، کائل جیمی سن میچ کے بہترین کھلاڑی قرار پائے۔
تفصیلات کے مطابق ساؤتھمپٹن میں کھیلے جانے والے ورلڈ ٹیسٹ چیمپئن شپ کے فائنل میچ میں نیوزی لینڈ نے بھارت کی جانب سے دیا جانے والا 139 رنز کا ہدف دو وکٹوں کے نقصان پر حاصل کرلیا۔
کین ولیم سن نے 52 رنز کی ناقابل شکست اننگز کھیلی، روس ٹیلر 47 رنز بنا کر نمایاں رہے، دوسری اننگز میں ٹام لیتھم 9 رنز بناسکے جبکہ دیون کانوے 19 رنز پر پویلین لوٹ گئے۔
The first ever world Test champions 👏
Congratulations 🇳🇿 pic.twitter.com/HzbK1Vek5N
— ESPNcricinfo (@ESPNcricinfo) June 23, 2021
بھارت کی جانب سے روی چندر ایشون نے 2 کھلاڑیوں کو آؤٹ کیا۔
بھارتی ٹیم دوسری اننگز میں 170 رنز پر ڈھیر ہوگئی تھی اور کیوی ٹیم کو جیت کے لیے 139 رنز کا ہدف دیا تھا۔
کیوی فاسٹ بولر ٹم ساؤتھی نے چار کھلاڑیوں کو پویلین کی راہ دکھائی، ٹرینٹ بولٹ نے دو اور کائل جیمی سن نے دو وکٹیں حاصل کیں۔
Significant dates! ✍🏽 #WTC21 #BACKTHEBLACKCAPS pic.twitter.com/kjwxzqfOTX
— BLACKCAPS (@BLACKCAPS) June 23, 2021
رشبھ پانت 41 اور روہت شرما 30 رنز کے ساتھ نمایاں رہے، کپتان ویرات کوہلی 13 رنز بنا کر پویلین لوٹ گئے۔
New Zealand’s bowlers have put them on course to become the inaugural world Test champions 🙌 #INDvNZ | #WTCFinal pic.twitter.com/TKulMUWrjv
— ESPNcricinfo (@ESPNcricinfo) June 23, 2021
شبھمن گل 8 رنز بناسکے، چیتیسور پجارا 15 رنز بنائے، اجنکیا رہانے 15، رویندر جڈیجا 16 اور ایشون 7 رنز بنا کر آؤٹ ہوئے۔
محمد شامی 13 اور جسپریت بمرا بغیر کوئی رن بنائے پویلین لوٹ گئے۔
اس سے قبل نیوزی لینڈ کی ٹیم اپنی پہلی اننگزمیں 249 رنز بنا کر آؤٹ ہوئی تھی، ڈیون کانوے 54 اور کپتان ولیم سن 49 رنز کے ساتھ نمایاں رہے تھے۔
بھارتی ٹیم اپنی پہلی اننگز میں 217 رنز بنا کر آؤٹ ہوئی تھی، ویرات کوہلی 44 رنز بنائے تھے، کائل جیمی سن نے 5 وکٹیں حاصل کی تھیں۔