کرائسٹ چرچ: آئی سی سی میگا ایونٹ میں قومی ویمنز ٹیم کی بدترین کارکردگی کا سلسلہ جاری ہے، جہاں اسے ایک اور میچ میں عبرتناک شکست کا سامنا کرنا پڑا ہے۔
تفصیلات کے مطابق آئی سی سی ویمنز ورلڈکپ کے 26 ویں میچ میں قومی ٹیم نے نیوزی لینڈ کے خلاف ٹاس جیت کر پہلے فیلڈنگ کا فیصلہ کیا جو درست ثابت نہ ہوسکا، کیوی ٹیم نے مقررہ 50 اوورز میں 265 رنز بنائے۔
نیوزی لینڈ کی اننگز کی خاص بات اوپنر بیٹر سوئز بیٹس کی شاندار سینچری تھی، انہوں نے 126 رنز کی عمدہ اننگز کھیلی جس میں 14 چوکے شامل تھے، اس کے علاوہ کیٹی مارٹن 30، بروک ہالیڈے 29 اور میڈی گرین نے 23 رنز بنائے۔
پاکستان کی جانب سے ندا ڈار نے ، انعم امین ، فاطمہ ثناء، نشرح سندھو نے ایک ایک وکٹ حاصل کی۔
New Zealand beat Pakistan by 71 runs and keep their slim hopes of a #CWC22 semi-final spot alive. pic.twitter.com/9KoKRoxW8h
— ICC (@ICC) March 26, 2022
دو سو چھیاسٹھ رنز ہدف کے تعاقب میں گرین شرٹس شروع سے ہی کیوی بولرز کے دباؤ میں نظر آئیں اور وقفے وقفے سے ان کی وکٹیں گرتی رہیں، ندا ڈار نے نصف سینچری اسکور کی مگر وہ ٹیم کی جیت کے لئے ناکافی تھی۔
یہ بھی پڑھیں: ویمنز ورلڈکپ: قومی ٹیم شکست سے دامن نے چھڑا سکی، ایک اور شکست
قومی ٹیم مقررہ اوورز میں 9 وکٹوں کے نقصان پر 194 رنز ہی بناسکی اور اسے نیوزی لینڈ کے ہاتھوں 71 رنز سے شکست ہوئی۔
نیوزی لینڈ کی جانب سے ہنا روئے نے تباہ کن بولنگ کرتے ہوئے 5 کھلاڑیوں کو آؤٹ کیا، فرانسس میکے نے دو کھلاڑیوں کو آؤٹ کیا۔
قومی ٹیم کی آئی سی سی ویمنر ورلڈکپ صرف ایک میچ میں فتح حاصل کرسکی ہے جبکہ اسے 6 میچز میں شکست کا سامنا کرنا پڑا ہے۔
