ولنگٹن: نیوزی لینڈ کی ایک رکن پارلیمنٹ جولی این جینٹر نے اپنے بچے کی ڈلیوری کے لیے سائیکل پر اسپتال پہنچ کر لوگوں کو حیران کر دیا۔
تفصیلات کے مطابق نیوزی لینڈ کی گرین پارٹی کی رکن پارلیمنٹ جولی نے سوشل میڈیا پر ایک پوسٹ میں بچے کی آمد کی خوش خبری کے ساتھ ساتھ یہ چونکا دینے والی اطلاع بھی دی کہ اتوار کی رات کو انھیں ایمرجنسی میں سائیکل پر اسپتال کی طرف بھاگنا پڑا۔
جولی این کا کہنا تھا کہ رات کو جب انھیں اسپتال جانے کی اچانک ضرورت پڑی تو انھوں نے سائیکل نکال کر اسپتال کی راہ لے لی۔ جولی نے اس سلسلے میں اپنی تصاویر بھی شیئر کی ہیں۔
ان کا کہنا تھا کہ اسپتال پہنچنے کے محض ایک گھنٹے بعد ہی انھوں نے ایک صحت مند بچے کو جنم دے دیا۔
امریکا میں پیدا ہونے والی 41 سالہ جولی جینٹر کی تصاویر سے معلوم ہوتا ہے کہ ان کے ساتھ ان کے شوہر بھی تھے اور وہ بھی سائیکل چلا رہے تھے۔ جولی کے اس عمل پر سوشل میڈیا صارفین کی جانب سے ان کی ہمت اور بہادری پر خوب سراہا گیا۔
View this post on Instagram
یاد رہے 2018 میں نیوزی لینڈ کی وزیر اعظم جسینڈرا آرڈن نے اپنے 3 ماہ کے بچے کے ساتھ اقوام متحدہ کے اجلاس میں شرکت کر کے سب کو حیران کر دیا تھا۔
پولیس نے حاملہ خاتون کو ڈلیوری کے وقت ہتھکڑیوں سے بیڈ کے ساتھ باندھ دیا
2017 میں نیوزی لینڈ کی خاتون رکن پارلیمان نے ایوان میں اپنے بچے کو دودھ پلا کر ماؤں کے لیے ایک نئی مثال قائم کی تھی، جس کے بعد نیوزی لینڈ کی پارلیمنٹ کے اسپیکر دوران ایوان ہی ایک خاتون رکن پارلیمان کے بچے کو گود میں کھلاتے نظر آئے۔
