تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

لاہور : نامعلوم عورت جنرل اسپتال سے نومولود بچہ اٹھا کر لے گئی

لاہور : جنرل ہسپتال سے نامعلوم عورت نومولود بچہ اغواء کرکے فرار ہوگئی، نامعلوم خاتون نے بچے کی والدہ کو جھانسہ دے کر بچہ گود میں لیا تھا۔

تفصیلات کے مطابق لاہور کے جنرل اسپتال سے نومولود بچے کو اغواء کرلیا گیا، بچے کے اغواء کی سی سی ٹی وی فوٹیج اے آر وائی نیوز کو موصول ہوگئی۔

فوٹیج میں اغواء کار خاتون کو بچہ لے کر جاتے ہوئے دیکھا جاسکتا ہے، اس حوالے سے ایم ایس جنرل اسپتال ڈاکٹر خالد نے میڈیا کو بتایا کہ بچہ والدین کی غفلت سے اغواء ہوا ہے۔

انہوں نے کہا کہ بچہ پیدائش کے فوری بعد اہل خانہ کے حوالے کردیا گیا تھا، نامعلوم خاتون نے بچے کی والدہ سے کہا کہ تم بچے کا دودھ تیار کرو میں بچے کا دھیان کرتی ہوں۔

میڈیکل سپرنٹنڈنٹ ڈاکٹر خالد کے مطابق نامعلوم خاتون کچھ دیر بچے کو گود میں لے کر گھومتی رہی پھر موقع پاتے ہی اسپتال سے فرار ہوگئی۔

ان کا مزید کہنا تھا کہ اہل خانہ نے لیبر روم کے باہر ایک نامعلوم عورت کو خود بچہ دیا، نامعلوم عورت بچہ لے کر فرار ہوگئی۔

Comments

- Advertisement -