The news is by your side.

Advertisement

وزیراعظم کا اسپتال کا اچانک دورہ، والدین نے اپنے نومولود بچے کا نام ’عمران خان‘ رکھ دیا

اسلام آباد: سرگودھا میں وزیراعظم عمران خان نے سرکاری اسپتال کا اچانک دورہ کیا جس کے دوران وہاں موجود والدین نے اپنے نومولود بچے کا نام عمران خان رکھ دیا۔

تفصیلات کے مطابق وزیراعظم عمران خان نے سرگودھا میں سرکاری اسپتال کے اچانک دورے کی خوشی میں اسپتال میں موجود والدین نے اپنے نومولود بچے کا نام عمران رکھ دیا۔

اس موقع پر بچے کے والد کا کہنا تھا کہ وہ وزیراعظم عمران خان کے ہامی ہیں اور اسی وجہ سے بچے کا نام عمران خان رکھا ہے۔

وزیراعظم نے ننھے عمران خان کے لیے نیک خواہشات کا اظہار کیا۔

مزید پڑھیں: وزیر اعظم کا عوامی سہولتوں کی براہ راست نگرانی کا فیصلہ، مختلف اسپتالوں کا دورہ

واضح رہے کہ وزیراعظم عمران خان نے سرگودھا کے ڈسٹرکٹ ہیڈ کوارٹر اسپتال کا دورہ کیا، وزیراعظم کو دیکھ کر اسپتال میں موجود لوگ حیران ہوگئے اور ان کے لیے نعرے بھی لگائے۔

وزیر اعظم نے مریضوں کی تیمار داری کی اور اسپتال میں سہولتوں کا جائزہ لیا۔ انہوں نے براہ راست مریضوں سے سہولتوں سے متعلق پوچھا جبکہ مریضوں سے علاج و معالجے کا بھی دریافت کیا۔

انہوں نے ڈاکٹرز کو بہترین علاج و معالجہ فراہم کرنے کی ہدایات دیں۔ لوگوں نے وزیر اعظم کے اچانک دورے پر ان کا شکریہ ادا کیا۔

وزیر اعظم نے مشیر برائے قومی صحت کو فوری طور پر سہولتیں فراہم کرنے کی ہدایت کردی۔ انہوں نے مختلف وارڈز میں جا کر مریضوں کی عیادت بھی کی۔

Comments

comments

یہ بھی پڑھیں