The news is by your side.

Advertisement

نیوزی لینڈ، آذربائیجان کے لیے نامزد پاکستانی سفرا کی وزیر خارجہ سے ملاقات

اسلام آباد: نیوزی لینڈ اور آذربائیجان کے لیے نامزد پاکستانی سفرا نے وزارتِ خارجہ میں وزیر خارجہ شاہ محمود قریشی سے ملاقات کی۔

تفصیلات کے مطابق وزیر خارجہ شاہ محمود سے آج نیوزی لینڈ کے لیے نامزد سفیر مراد اشرف جنجوعہ اور آذربائیجان کے لیے نامزد سفیر بلال حئی نے ملاقات کی، شاہ محمود نے بطور سفیر نامزدگی پر دونوں سفرا کو مبارک باد دی۔

وزیر خارجہ نے دونوں نامزد سفرا سے گفتگو کرتے ہوئے کہا آپ کو یہ نئی ذمہ داریاں، آپ کے شان دار سروس ریکارڈ کو پیش نظر رکھتے ہوئے سونپی گئی ہیں۔

انھوں نے کہا آپ ایسے وقت میں بطور سفیر اپنی ذمہ داریاں سنبھالنے جا رہے ہیں جب پاکستان کو داخلی اور خارجی طور پر بہت سے چیلنجز کا سامنا ہے، پاکستانی کمیونٹی کے حقوق کا تحفظ اور ان کے مسائل کا ترجیحی بنیادوں پر حل ہماری حکومت کی اوّلین ترجیحات میں شامل ہے۔

وزیر خارجہ نے نئے نامزد سفرا کو پیشہ ورانہ امور اور فارن پالیسی ترجیحات کے حوالے سے بھی خصوصی ہدایات دیں۔

دونوں سفرا نے وزیر خارجہ شاہ محمود کی طرف سے کی گئی حوصلہ افزائی پر ان کا شکریہ ادا کیا۔

Comments

یہ بھی پڑھیں