تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

واشنگٹن : نظام شمسی سے دورتین سورج والا سیارہ دریافت

واشنگٹن : ماہرین فلکیات نے ایک ایسا سیارہ دریافت کیا ہے جس کے نظام میں ایک یا دو نہیں بلکہ تین سورج یا ستارے ہیں،جسے ایچ ڈی 131399 اے بی کا نام دیا گیا ہے.

تفصیلات کے مطابق ماہرین فلکیات نے ایک سیارہ دریافت کیا ہے کہ جسے ایچ ڈی 131399Ab نام دیا گیا ہے،یہ سیارہ زمین سے 320 نوری برسوں کے فاصلے پر واقع ہے اور اندازہ ہے کہ اس کی تشکیل سولہ ملین سال پہلے ہوئی تھی.

تین ستاروں کا یہ نظام دوچھوٹے اور ایک بڑے ستارے پر مشتمل ہے جن میں سے دوچھوٹے ستارے ڈمبل چلانے کی طرح ایک دوسرے کے گرد گھومتے ہیں.

یہ دونوں چھوٹے ستارے 300 آسٹرنومیکل یونٹس کے فاصلے سے بڑے ستارے کے گرد گھومتے ہیں،ایک آسٹرونومیکل یونٹ زمین اور سورج کے درمیان فاصلے جتنا ہوتا ہے.

اس انوکھے سیارے کو امریکا کی ایریزونا یونیورسٹی کے ماہرین نے چلی میں نصب یورپین سدرن آبزرویٹری کی ایک خلائی دوربین کی مدد سے دریافت کیا اور ان کا کہنا ہے کہ یہاں روزانہ تین بار سورج طلوع اور غروب ہوتا ہوگا۔

اس سیارے کا ایک دن زمین کے 550 دنوں کے برابر ہوگا اور اس کے آدھے حصے میں تین ستاروں کو باآسانی دیکھا جاسکتا ہوگا،اس سیارے کا درجہ حرارت 580 ڈگری سینٹی گریڈ ہے اور زندگی کی موجودگی کا کوئی امکان نہیں.

Comments

- Advertisement -