گذشتہ حکومت میں‌ اشتہارات مریم نواز کے میڈیا سیل سے دیے جاتے تھے: فواد چوہدری -
The news is by your side.

Advertisement

گذشتہ حکومت میں‌ اشتہارات مریم نواز کے میڈیا سیل سے دیے جاتے تھے: فواد چوہدری

اسلام آباد: سینیٹ میں سابق وزیرِ اعظم نواز شریف کی صاحب زادی مریم نواز کے میڈیا سیل کی موجودگی کا انکشاف ہوا ہے، تحقیقات کے لیے معاملہ قائمہ کمیٹی کے سپرد کر دیا گیا۔

تفصیلات کے مطابق مسلم لیگ (ن) کی رہنما اور سابق وزیرِ اعظم کے یوتھ پروگرام کی چیئر پرسن مریم نواز نے اپنا ایک میڈیا سیل بنا رکھا تھا جس کے ذریعے سابق دورِ حکومت میں اشتہارات دیے جاتے تھے۔

وفاقی وزیرِ اطلاعات فواد چوہدری کے مطابق مذکورہ میڈیا سیل وزیرِ اعظم ہاؤس میں بنایا گیا تھا جسے مریم نواز کنٹرول کرتی تھیں۔

چار سال میں چالیس ارب سے زائد کے اشتہارات دیے گئے

فواد چوہدری نے بتایا کہ گزشتہ دورِ حکومت میں اشتہارات مریم نواز کے میڈیا سیل کے ذریعے دیے جاتے تھے، گزشتہ چار سال میں وفاق اور پنجاب کے چالیس ارب سے زائد کے اشتہارات دیے گئے۔

یہ انکشاف وفاقی وزیرِ اطلاعات فواد چوہدری نے سینیٹ میں خطاب کے دوران کیا، انھوں نے کہا کہ تحقیقات کے لیے یہ معاملہ اطلاعات کی قائمہ کمیٹی کے سپرد کر دیا گیا ہے۔


یہ بھی پڑھیں:  وفاقی حکومت کا پیمرا اور پریس کونسل کوختم کرنے کا فیصلہ


واضح رہے کہ وفاقی حکومت نے پیمرا (پاکستان الیکٹرانک میڈیا ریگولیٹری اتھارٹی) اور پریس کونسل کو ختم کر دیا ہے، اس کی جگہ ایک ہی ادارہ پاکستان میڈیا ریگولیٹری اتھارٹی بنانے کا اعلان کیا گیا۔

خیال رہے کہ پاکستان میڈیا ریگولیٹری اتھارٹی ہر قسم کے میڈیا پر نظر رکھے گی اور اس میں تمام اتھارٹیز کو ضم کیا جائے گا، دوسری طرف ماضی میں وفاقی حکومت نے 17 ارب اشتہارات پر خرچ کیے جس کی تحقیقات کی جائیں گی۔

Comments

comments

یہ بھی پڑھیں