The news is by your side.

Advertisement

ملک کے لیے اگلے 70 روز بہت اہم ہیں، شیخ رشید احمد

کراچی : عوامی مسلم لیگ کے سربراہ شیخ رشید احمد نے کہا ہے کہ امریکا میں کنڈیکٹر کا بیٹا میئر بن جاتا ہے مگر کراچی میں ایم کیو ایم ما رہنماء میئر نہیں بن سکتا۔

تفصیلات کے مطابق کراچی ائیرپورٹ پر صحافیوں سے گفتگو کرتے ہوئے شیخ رشید احمد نے کہا کہا ’’پاناما لیکس اور کرپشن کرنے والوں نے پاکستان میں چوری کا بازار لگایا ہوا ہے اور اُن کے خلاف کوئی کارروائی نہیں کرتا، اپوزیشن کی ناقص حکمت عملی کی وجہ سے حکمرانوں کو فرار کا راستہ مل گیا۔

انہوں نے سندھ کابینہ میں تبدیلی کے حوالے سے طنزیہ لہجے میں کہا کہ ’’سندھ حکومت پرانے چیچز میں کینڈین کٹ لگا رہی ہے، سندھ کا فیصلہ بیرون ملک میں بیٹھے ہوئے لوگ کرتے ہیں، انہوں نے کہا کہ آئندہ 70 روز میں ملک میں بڑے فیصلے ہوسکتے ہیں‘‘۔

پڑھیں : متحدہ اپوزیشن کا پاناما لیکس پر پارلیمنٹ میں بل لانے کا اعلان

شیخ رشید نے کہا کہا ’’کرپشن کرنے والوں سے ایک بار پھر این آر او ہوگیا ہے اور وہ پھر سے پاک ہونے جارہے ہیں ، پاکستان میں اب شفاف انتخابات کا انعقاد کسی صورت ممکن نہیں ہے کیونکہ حکومت اور اپوزیشن مل کر الیکشن کمیشن میں اپنے آدمی نامزد کرواتے ہیں‘‘۔

شیخ رشید احمد نے کراچی آپریشن کے حوالے سے اطمینان کا اظہار کرتے ہوئے کہا کہ ’’شہر میں امن و امان کی صورتحال کافی بہتر ہوئی ہے جس میں رینجرز کا کردار بہت اہم ہے تاہم پوری ایم کیو ایم کے بجائے صرف جرائم پیشہ افراد کے خلاف کارروائی ہونی چاہیے‘‘۔

شیخ رشید نے اعلان کیا کہ عوامی مسلم لیگ 13 اگست سے کرپشن کے خلاف تحریک شروع کرے گی۔

Print Friendly, PDF & Email

Comments

comments

یہ بھی پڑھیں