دوحہ: عالمی شہرت یافتہ اسٹار فٹ بالر اور برازیل کے کپتان نیمار کے مداحوں کے لیے ایک اور بُری خبر آگئی۔
برازیل فٹبال ٹیم کے ڈاکٹر روڈریگو لاسمار نے بتایا ہے کہ نیمار انجری کے باعث پیر کو سوئٹزرلینڈ کے خلاف میچ میں دستیاب نہیں ہوں گے۔
ڈاکٹر کا کہنا ہے کہ 30 سالہ نیمار کے پاؤں میں موچ آئی ہے، اب تک کی صورتِ حال کے مطابق وہ اگلے میچ کے لیے دستیاب نہیں لیکن پوری کوشش کر رہے ہیں کہ وہ فٹ ہو جائیں۔
یہ بھی پڑھیں: کرسٹیانو رونالڈو نے اہم اعزاز اپنے نام کرلیا
روڈریگو لاسمار نے یہ بھی بتایا کہ ڈینیلو بھی اگلے میچ کے لیے نہیں ہوں گے، وہ ٹخنے کی انجری کا شکار ہوئے ہیں۔
Neymar was fouled nine times against Serbia, the most of any player at the World Cup so far 🤕 pic.twitter.com/gINV8jU5j7
— B/R Football (@brfootball) November 24, 2022
سب سے زیادہ عالمی کپ جیتنے کا ریکارڈ رکھنے والی سابق عالمی چیمپئن برازیل نے گزشتہ روز سربیا کو باآسانی دو صفر سے شکست دے کر ٹورنامنٹ میں فاتحانہ آغاز کیا ہے۔
نیما نے برازیل کے لیے 122 میچز کھیلے جن میں جنہوں نے 75 گول اسکور کیے۔ نیمار کو برازیل کے معورف سابق فٹبالر ’Pelé‘ کا ریکارڈ توڑنے کے لیے صرف دو گول درکار ہیں۔