تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

نیشنل ہائی وے اتھارٹی نے مسافروں کی سہولت کے لیے موبائل ایپ متعارف کرادی

اسلام آباد: وزیراعظم عمران خان کی ہدایت پر نیشنل ہائی وے اتھارٹی (این ایچ اے) نے مسافروں کی سہولت کے لیے موبائل ایپ متعارف کرادی جو 12 ہزار کلومیٹر شاہراؤں کی مکمل تفصیل سے آگاہ رکھے گی۔

تفصیلات کے مطابق این ایچ اے کی جانب سے اسلام آباد میں تقریب کا انعقاد کیا گیا جس میں وزیرمملکت برائے مواصلات مراد سعید اور نیشنل ہائی وے اتھارٹی کے حکام نے شرکت کی۔

 وزیرمملکت برائے مواصلات نے موبائل ایپ کا افتتاح کرتے ہوئے کہا کہ ملک بھر کے موٹر ویز اور ہائی ویز کو ایک ہی ایپ میں منسلک کردیا گیا، اب این ایچ اے کی تمام تفصیلات عوام کے سامنے موجود ہیں۔

تقریب میں اظہار خیال کرتے ہوئے اُن کا کہنا تھا کہ حکومت نے100روزہ پلان کے اہداف 70 روز میں پورے کئے، ہم نے این ایچ اے کی 128کروڑ مالیت کی زمین واگزار کرائی اور محکمے کی اضافی گاڑیاں بھی نیلامی کے لئے پیش کیں۔

مزید پڑھیں: حکومت عوام کو جواب دہ، آن لائن شکایات درج کروانے کی سہولت کا آغاز

وزیر مملکت کا کہنا تھا کہ ذرائع آمدن میں 750 ملین اضافہ ہوگیا، این ایچ اے نے صرف 50 دنوں میں ملکی خزانے کو 344 کروڑ روپے کا فائدہ پہنچایا۔

انہوں نے اعلان کیا کہ وزیراعظم کی ہدایت کے مطابق 5 نئے منصوبے شروع کرنے جارہے ہیں، حیدرآباد تا سکھر کا موٹروے بھی تکمیل کے آخری مراحل میں ہے۔

ایپلیکشن کے فوائد

عوام  12 ہزار کلومیٹر تک موٹروے کا موسم، ٹریفک کی روانی، روڈ کی بندش کے حوالے جان سکیں گے جبکہ ملک بھر کے تمام ہائی ویز موٹرویز پر موجود رکاوٹوں، روڈ سیفٹی، ٹال ریٹس، موٹروے پولیس کے بارے میں معلومات ایک ٹچ پر آسانی سے حاصل کرسکیں گے۔

Comments

- Advertisement -