امریکا میں اس وقت موسمِ سرما اپنےعروج پر ہے جس کے سبب جہاں کئی ریاستوں نے برف کی چادر اوڑھ لی ہے وہیں نیاگرا فال بھی منجمد ہونا شروع ہوچکا ہے۔
تفصیلات کے مطابق امریکا اور کینیڈا کی سرحد پر واقعہ دنیا کاعظیم ترین آبشار نیاگرا فال کے کئی حصے منجمد ہوگئے ہیں، یاد رہے کہ یہاں درجہ حرارت نقطہ انجما د سے کئی درجے نیچے گرجاتا ہے۔
بتایا جارہا ہے کہ قطب شمالی سے آنے والے سرمائی سسٹم کے سبب نیاگرا فال کے ارد گرد کا علاقہ منجمد ہورہا ہے، امید کی جارہی ہے کہ یہاں سردی مزید بڑھے گی کہ ابھی منجمد بارش بھی ہونی ہے۔
Niagara Falls visitors stunned by frozen falls > https://t.co/rx6N7FHyg6 #Kprc2 #NiagraFalls pic.twitter.com/SBhBWoJu3l
— KPRC 2 Houston (@KPRC2) January 22, 2019
یاد رہے کہ سنہ 1848 یعنی کہ لگ بھگ 171 سال قبل معلوم تاریخ کا وہ واحد سال تھا جب نیاگرا فال مکمل طور پر جم گیا تھا جس کے سبب پانی کا بہاؤ مکمل رک گیا تھا اوراوپر کےعلاقوں میں سیلابی صورتحال پیدا ہوگئی تھی۔ اس کے بعد یہ کبھی بھی مکمل طور پر منجمد نہ ہوا۔
Some #filmmaker should shoot #niagrafalls freezing & unfreezing. It would be really cool. https://t.co/LtDkoNmPv1
— Laura Ann Tull (@LauraAnnTull) January 23, 2019
اس عظیم آبشار کے گرد جمع ہونے والی برف اسے سیاحوں کے لیے انتہائی دلفریب بنارہی ہے ، یاد رہے کہ یہ آبشار امریکا اور کینیڈا کی سرحد پر واقع ہے اور دونوں ممالک سے اس کا نظارہ کیا جاسکتا ہے ، تاہم کینیڈا کی جانب سے کیا جانے والا نظارہ بے مثال ہے۔
شمالی امریکا میں جاری اس برفیلے موسم کو کینیڈا کی جانب سے آنے والی آرکٹک کی ہوائیں مزید سر د بنا رہی ہیں اور امید کی جارہی ہے کہ ابھی یہاں سردی کی شدت اور آبشار پر موجود برف میں مزید اضافہ ہوگا۔
Wow it's so cold part of #NiagraFalls is FROZEN. 😳 pic.twitter.com/Vucmw4rcXw
— Chris Stewart (@CStewartTheNow) January 22, 2019