معروف امریکی اداکار نکولس کیج کی حال ہی میں وائرل ہونے والی ویڈیو دیکھ کر مداح حیران رہ گئے جس میں وہ نشے میں دھت ہیں اور ان کا حلیہ کسی بے گھر شخص جیسا ہے۔
امریکی اخبار کے مطابق نکولس کیج لاس ویگاس کے ریستوران میں پہنچے تو ان کی حالت اتنی ابتر تھی کہ لوگ انہیں پہچان ہی نہ پائے۔
نشے میں دھت نکولس کیج نے ریستوران کے عملے سے جھگڑا بھی کیا، عملے نے انہیں بے گھر شخص سمجھ کر وہاں سے نکال دیا۔
عینی شاہدین نے ریسٹورنٹ عملے کا حوالہ دیتے ہوئے بتایا کہ نکولس کیج کے ساتھ یہ واقعہ 13 ستمبر کو پیش آیا۔
عینی شاہدین کے مطابق عام سی پتلون اور فلپ فلاپ پہن کر نامور اداکار صوفے پر ننگے پاؤں بیٹھ گئے، انہوں نے جھگڑنے سے پہلے مہنگی شراب پی، پھر چلانے اور لڑنے لگے۔
یاد رہے کہ بے شمار فلموں میں اپنی اداکاری کے جوہر دکھانے والے 57 سالہ نکولس کیج اکیڈمی ایوارڈ، گولڈن گلوب ایوارڈ، اسکرین ایکٹر گلڈ ایوارڈ سمیت متعدد کامیابیاں سمیٹ چکے ہیں۔
امریکی اخبار کے مطابق نکولس کیج 110 ملین پاؤنڈز کی دولت مہنگے اور نایاب جانوروں کی خریداری میں اڑا چکے ہیں، وہ 40 سال کی عمر تک پہنچنے سے قبل ہی کنگال ہوچکے تھے۔
