شوبز انڈسٹری کی نامور ماڈل و اداکارہ ندا فردوس نے اپنی شادی کی چند تصاویر سوشل میڈیا پر شیئر کی ہیں۔
سوشل میڈیا پلیٹ فارم انسٹا گرام پر ندا فردوس نے اپنی شادی کی چند تصاویر کیں جس میں وہ عروسی لباس زیب تن کئے ہوئے ہیں۔
ندا فردوس کا تصاویر کے کیپشن میں کہنا تھا کہ ”بہت ہی عجیب مگر زندگی کے خوشگوار دن کی تصاویر یہ ہیں‘۔
ندا فردوس نے گزشتہ روز یہ تصاویر شیئر کی تھیں، اب تک ان کے ہزاروں چاہنے والے یہ تصاویر دیکھ چکے اور تعریفی کمنٹس کا سلسلہ جاری ہے۔
واضح رہے کہ اس سے قبل ندا فردوس نے اے آر وائی زندگی کے پروگرام ’دی نائٹ شو ودھ ایاز سموں‘ میں شرکت کی تھی اور تماشہ ٹو میں شرکت سے متعلق اظہار خیال کیا۔
اداکارہ نے کہا تھا کہ تماشہ ٹو میں ہمارا پہلا ٹاسک تھا جس میں کھانا نہیں مل رہا تھا، سو نہیں سکتے تھے، میں ہر روز کسی سے لڑ نہیں سکتی اس لیے دو دن لڑائی کے بعد خاموش ہوگئی تھی۔
ندا فردوس نے کہا کہ ’اگر آپ انسان اچھے نہیں ہیں تو کامیابی کسی کام کی نہیں ہے۔‘
انہوں نے کہا کہ رئیلٹی شو تماشہ ٹو میں بہت زیادہ لڑائیاں ہورہی تھیں، گھر کا ماحول کافی بدل گیا تھا اور مجھے اس طرح لڑائی جھگڑے کی عادت نہیں ہے۔‘
اے آر وائی نیوز کی ڈیجیٹل ڈیسک کی جانب سے شائع کی گئی خبریں