لندن: عالمی نمبر ایک بننا رافیل نڈال کے لیے مہنگا ثابت ہوا، انہیں جرمن کھلاڑی کے ہاتھوں شرمناک شکست کا سامنا کرنا پڑگیا۔
تفصیلات کے مطابق عالمی نمبر ایک بننے کے بعد رافیل نڈال کو پہلی شکست ہوئی، لندن میں جاری اے ٹی پی فائنلز میں جرمنی کے الیگزینڈر زیوریو نے سب کو حیران کردیا۔
رافیل جرمن کھلاڑی کے آگے بے بس دکھائی دیے، زیوریو نے نڈال کو اسٹریٹ سیٹس میں آؤٹ کلاس کیا۔
ایک اور میچ میں یونانی کھلاڑی اسٹیفانوس سٹسیپاس اور روسی کھلاڑی ڈینیئل کے درمیان دلچسپ مقابلہ ہوا، پہلے سیٹ کا فیصلہ ٹائی بریکر پر ہوا جبکہ دوسرے سیٹ میں یونانی کھلاڑی نے باآسانی فتح سمیٹ کر مقابلہ اپنے نام کرلیا۔
خیال رہے کہ 5 نومبر کو اسپینش اسٹاررافیل نڈال نے جوکووچ سے ٹینس کی حکمرانی چھینی، نوواک جوکووچ نے پیرس ماسٹرز کا ٹائٹل اپنے نام تو کرلیا تاہم ان سے ٹینس کی حکمران چھن گئی، نڈال ٹینس رینکنگ میں ایک بارپھر نمبرون کھلاڑی بن گئے ہیں۔
نوواک جوکووچ سے ٹینس کی حکمرانی چھن گئی
نڈال نے کیریئر میں آٹھویں بار عالمی نمبر ایک بننے کا اعزاز اپنے نام کیا ہے۔ یاد رہے کہ نڈال پیرس ماسٹرز کے سیمی فائنل سے انجری کے باعث باہر ہوگئے تھے، اے ٹی پی کی نئی رینکنگ کے مطابق جوکووچ نمبر دو اور راجر فیڈرر نمبر تین پر موجود ہیں۔
