لندن: انگلش فٹبال کلب ’آرسنل‘ کے مینیجر آرسین وینگر نے بائیس سال بعد کلب چھوڑنے کا اعلان کر دیا، انہوں نے اپنے پیشہ ورانہ خدمات کے دوران کلب کو متعدد کامیابیوں سے ہمکنار کرایا۔
تفصیلات کے مطابق فرانس سے تعلق رکھنے والے آرسین وینگر کا کلب کے ساتھ معاہدہ اگلے سال ختم ہونا تھا لیکن انھوں نے اسی سال کلب چھوڑنے کا فیصلہ کر لیا ہے، 22 سال تک ذمہ داری سنبھالنے والے آرسنل کلب مینیجر اس سیزن کے اختتام پر کلب کو خیرباد کہہ دیں گے۔
آرسین وینگر کی جانب سے جاری کردہ بیان میں کہا گیا ہے کہ میں شکر گزار ہوں اور یہ میرے لیے باعث فخر ہے کہ مجھے اتنے عرصے اس کلب کی خدمت کرنے کا موقع ملا، اس دوران کھلاڑیوں نے بھی بھرپور ساتھ دیا جس کے باعث کسی قسم کی کوئی شکایت کا موقع نہیں ملا۔
انگلش فٹبال کلب آرسنل نے مانچسٹر سٹی کو شکست دے
ان کا مزید کہنا تھا کہ میں نے پوری ذمہ داری اور لگن سے اس کلب کو چلایا ہے، میں آرسنل کے چاہنے والوں کے لیے پیغام دینا چاہتا ہوں کے کلب کی اقداروں کا خیال رکھیں، اور نئے منتخب ہونے والے مینیجر کے لیے نیک خواہشات کا اظہار کرتا ہوں، امید ہے کلب اسی طرح مستقبل میں بھی کامیابیاں سمیٹے گا۔
انگلش فٹبال کلب:آرسنل نے پریمئیرلیگ میں ٹاپ پوزیشن حاصل کرلی
خیال رہے کہ سال 1996 میں کلب کے لیے منتخب ہونے والے آرسین وینگر نے انگلش لیگ میں کلب کی 823 میچوں میں رہنمائی کی جبکہ اس سال کلب نے اب تک کھیلے گئے 33 میچوں میں صرف 54 پوائنٹس حاصل کیے ہیں اور 11 میچز میں انھیں شکست ہوئی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
