نائیجیریا میں سیلاب نے تباہی مچادی، 100 افراد ہلاک، درجنوں لاپتہ nigeria floods
The news is by your side.

Advertisement

نائیجیریا میں سیلاب نے تباہی مچادی، 100 افراد ہلاک، درجنوں لاپتا

ابوجا: نائیجریا میں شدید بارشوں کے بعد آنے والے سیلاب کی زد میں آکر 100 افراد ہلاک درجنوں لاپتا ہوگئے۔

غیرملکی خبررساں ادارے کے مطابق نائیجریا میں مسلسل بارشوں نے سیلاب کی صورت اختیار کرلی ہے، سیلاب کی زد میں آکر 100 افراد ہلاک ہوگئے جبکہ درجنوں تاحال لاپتا ہیں جن کی تلاش کا کام جاری ہے۔

ریسکیو حکام کا کہنا ہے کہ سیلاب میں پھنسے افراد کو محفوظ مقام پر منتقل کیا جارہا ہے، عارضی کیمپ قائم کردئیے گئے ہیں جہاں موبائل ڈسپنسری موجود ہے، متاثرہ افراد میں راشن بھی تقسیم کیا جارہا ہے۔

سیلاب سے زیادہ نقصان نائجیریا کی چار ریاستوں میں ہوا جن میں کوگی، نائیجر، انمبرا اور ڈیلٹا شامل ہیں۔

بارشوں اور سیلاب میں سب سے زیادہ ہلاکتیں لینڈسلائیڈنگ کے باعث ہوئیں، سیلاب کے راستے میں آنے والے درجنوں دیہات صفحہ ہستی سے مٹ گئے، دس ریاستوں میں بجلی کی فراہمی معطل ہے اور نظام زندگی درہم برہم ہوگیا ہے۔

سیلاب کے باعث اسپتالوں میں ایمرجنسی نافذ کردی گئی ہے جہاں زخمیوں کو طبی امداد دی جارہی ہے، زخمیوں کی حالت تشویشناک ہونے کے سبب ہلاکتوں میں اضافے کا خدشہ ہے۔

Comments

comments

یہ بھی پڑھیں