The news is by your side.

Advertisement

نائجیریا : گرجا گھر میں قیامت صغریٰ: 31 افراد ہلاک

افریقی ملک نائجیریا کے ایک گرجا گھر میں بھگدڑ مچنے سے کم از کم 31 ہلاک اور سات زخمی ہوگئے۔ خبررساں ادارے اے پی نے مقامی پولیس کا حوالہ دیتے ہوئے بتایا ہے کہ واقعہ گزشتہ روز ایک پروگرام میں پیش آیا جو مستحق افراد کی مدد کے لیے منعقد کیا گیا تھا۔

ایک عینی شاہد کا کہنا ہے کہ مرنے والوں میں ایک حاملہ خاتون کے علاوہ متعدد بچے بھی شامل ہیں۔ پولیس ترجمان کے مطابق پروگرام ریورز اسٹیٹ میں کنگ اسمبلی پینٹیکوسٹل چرچ میں مستحق افراد کے لیے ہونے والے سالانہ ’شاپ فار فری‘ پروگرام کا اہتمام کیا گیا تھا۔

ایسے پروگرام نائجیریا میں ہوتے رہتے ہیں۔ نائجیریا کو افریقہ کی بڑی معشیت سمجھا جاتا ہے تاہم حکومتی اعدادوشمار کے مطابق وہاں آٹھ کروڑ سے زائد افراد انتہائی غربت کا شکار ہیں۔

پولیس ترجمان ارینجے کو کو کا کہنا تھا کہ چرچ میں پروگرام سنیچر کی صبح نو بجے شروع ہونا تھا تاہم صبح پانچ بجے وہاں لوگوں کے پہنچنے کا سلسلہ شروع ہو گیا تھا تاکہ قطاروں میں بہتر جگہ پا سکیں۔

غیرملکی خبر رساں ادارے کی رپورٹ کے مطابق چرچ مین گیٹ بند تھے جس کے سامنے لوگ جمع تھے اور دھکم پیل میں گیٹ ٹوٹ گیا جس سے بھگدڑ مچ گئی۔

At least 31 dead in stampede at Nigeria church event, police say - News |  Khaleej Times

نائجیریا کی نیشنل ایمرجنسی مینجمنٹ ایجنسی کے اہلکار گاڈون ٹیپیکور نے واقعے کے تھوڑی دیر بعد بتایا تھا کہ سکیورٹی فورسز کے علاقے کو گھیرے میں لے لیا ہے اور مرنے والوں کی لاشیں منتقل کی جا رہی ہیں۔

رپورٹ میں بتایا گیا ہے کہ مقامی لوگ بھی مدد کے لیے پہنچے اور ہنگامی صورت حال میں کام کرنے والے اہلکاروں کی مدد کی۔

عینی شاہدین کے مطابق بہت خوفناک صورت حال تھی، زخمیوں کو کھلے میدان میں رکھا گیا جہاں طبی شعبے کے اہلکار ان کو طبی امداد دے دیتے رہے۔

اس واقعے کی چند ویڈیوز بھی سامنے آئی ہیں، جن میں افراتفری دیکھی جا سکتی ہے اور وہ اشیا بھی نظر آرہی ہیں جو مستحقNigeria church event 31 killed in stampede, most of them are children -  Wings Daily News افراد میں تقسیم کی جانی تھیں۔ ان میں جوتے، کپڑے اور دوسرا سامان شامل تھا۔

ڈینیئل نامی ایک عینی شاہد نے میڈیا کو بتایا کہ مرنے والوں میں بچوں کی تعداد کی بہت زیادہ ہے، جن میں ایک ماں کے پانچ بچے بھی شامل ہیں جبکہ ایک حاملہ خاتون بھی واقعے میں ہلاک ہوئی۔

Comments

یہ بھی پڑھیں