ابوجا: نائجیریا میں سرگرم شدت پسند تنظیم بوکو حرام کی جانب سے رہا کی جانے والی اکیس طالبات کو دارالحکومت ابوجا میں ایک تقریب کے دوران اہل خانہ کے حوالے کردیاگیا۔
تفصیلات کےمطابق بوکوحرام کی قید سے رہائی پانے والی اکیس طالبات کو اہل خانہ کے حوالےکرنےکےلیے نائجیریا کے دارالحکومت ابوجا کےچرچ میں تقریب منعقد کی گئی۔
ڈھائی سال بعد والدین اور بہن بھائیوں سے ملاقات کے وقت رقت آمیز مناظر دیکھنےمیں آئے۔ایک جانب طالبات والدین سے ملنے کی خوشی میں آبدیدہ تھیں تو دوسری جانب والدین کےلیے جذبات پر قابو پانا مشکل نظر آتاتھا۔
خیال رہےکہ اپریل 2014 میں چبوک کے اسکول کی 276 لڑکیوں کو اغوا کیا گیا تھا جن میں سے 21 کو بوکو حرام کے چار قیدیوں کے بدلے رہاکیاگیا۔
مزیدپڑھیں:بوکوحرام نے4ساتھیوں کےبدلے21مغوی لڑکیوں کورہاکردیا
یاد رہے کہ دو روزقبل نائجیریاکےصدارتی ترجمان کا کہناتھاکہ شدت پسند تنظیم بوکوحرام سے طویل مذاکرات ہوئے جس میں سوئس حکومت نے ثالث کا کردار ادا کیا۔
صدراتی ترجمان کامزید کہناتھاکہ اس سلسلے میں مزید مذاکرات ابھی جاری ہیں اور مزید لڑکیوں کی رہائی کا بھی امکان ہے۔
واضح رہےکہ 2009 سے حکومت اور بوکوحرام کے درمیان لڑائی میں 20ہزار سے زائد افراد ہلاک ہوئے اور لاکھوں افراد نقل مکانی کرچکے ہیں۔
