نائیجیریا: نائیجیرین ائیرفورس نے شدت پسند تنظیم بوکو حرام کے سربراہ کی ہلاکت کا دعویٰ کیا ہے جبکہ متعدد لیڈرز کی بھی مارے جانے کی اطلاعات ہیں۔
نائیجیریا کی فضائیہ کا کہنا ہے کہ جیٹ طیاروں نے جنگل میں موجود بوکو حرام کے مرکز پر بمباری کی، بمباری کے نتیجے میں بوکو حرام کا سربراہ ابوبکر شیکاؤ مارا گیا۔
مزید پڑھیں : نائجیریا فوج کی کارروائی، بوکوحرام کے 30جنگجو ہلاک،338 مغوی بازیاب
فضائیہ کا کہنا ہے کہ کارروائی میں اہم لیڈروں سمیت تین سو کارندے مارے گئے، اُن میں ابوبکر مبئی، ملام نہحو اور ملام حمان شامل ہیں جب کہ کئی دیگر جنگجو زخمی بھی ہوئے، فضائیہ نے کارروائی سے متعلق مزید تفصیلات فراہم نہیں کی، بوکو حرام کی طرف سے فوری طور پر سرکاری دعوؤں پر کوئی ردعمل سامنے نہیں آیا ہے۔
یاد رہے کہ اس سے قبل بھی نائیجریا کی جانب سے ابوبکر شیکاؤ کو ہلاک کرنے کا دعوے کیے جاتے رہے ہیں لیکن اُن دعوؤں پر شکوک و شہبات کا اظہار کیا گیا تھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں