اسلام آباد : اینٹی نارکوٹکس فورس (اے این ایف) نے اسلام آباد انٹرنیشنل ایئرپورٹ پر کارروائی کرتے ہوئے مسافر کے بیگ سے 2.452کلوگرام کوکین اور کر لئے۔
تفصیلات کے مطابق اینٹی نارکوٹکس فورس (اے این ایف) نے اسلام آباد انٹرنیشنل ایئرپورٹ پر 2 کارروائیاں کیں ، پہلی کارروائی میں ترکی سےپاکستان آنے والے مسافر کے بیگ سے2.452کلوگرام کوکین برآمد کعرلی۔
دوسری کارروائی میں نائیجیرین باشندے کو اسلام آباد ایئرپورٹ سےحراست میں لیا گیا ، ملزم نے اپنے پیٹ میں منشیات بھرے کیپسولز کی موجودگی کا اعتراف کیا ، جس کے بعد ملزم کواسپتال منتقل کرکے اس کے پیٹ سے 5عدد منشیات بھرے کیپسولز برآمد کرلیے۔
یاد رہے رواں ماہ کے آغاز میں کراچی ایئرپورٹ سیکیورٹی فورس نے بحرین جانے والے مسافر کے قبضے سے ڈیڑھ کروڑ روپے مالیت کی ہیروئن برآمد کی تھی۔
حکام کے مطابق مسافر نے ہیروئن بیگ میں موجود خفیہ خانوں میں چھپائی ہوئی تھی۔ ملزم کا سامان قبضے میں لے کر اُسے مزید قانونی کارروائی کیلئے اے این ایف کےحوالےکردیا تھا۔
