نائجیریا کی جیل میں قید دو پاکستانیوں کا وزیر خارجہ کے نام خط، رہائی کی اپیل -
The news is by your side.

Advertisement

نائجیریا کی جیل میں قید دو پاکستانیوں کا وزیر خارجہ کے نام خط، رہائی کی اپیل

اسلام آباد : نائجیریا کی جیل میں سولہ ماہ سے قید دو پاکستانیوں نے وزیر خارجہ کے نام خط لکھا ہے، جس میں کہا گیا ہے کہ ہمیں غیر قانونی قید سے نجات دلائی جائے۔

تفصیلات کے مطابق نائجیریا کی جیل سے پاکستانی وزیر خارجہ  شاہ محمود قریشی کے نام ایک خط لکھا گیا ہے، مذکورہ خط وہاں کی جیل میں16ماہ سے قید دو پاکستانیوںکیپٹن نصیر خان اورانجینئر محمد اعجاز نے لکھا ہے۔

وزیر خارجہ کے نام لکھے گئے خط میں ان کا کہنا ہے کہ ہم نے مارچ2017میں اقلیم شپنگ نامی کمپنی میں نوکری کی، اس کمپنی نے پہلے ہمیں یونان اور پھر نائجیریا بھجوایا، نائجیریا میں تیل لوڈ کرنے کا اجازت نامہ مانگنے پر ہمیں یرغمال بنا لیا گیا کیونکہ ہم نے جہاز پر غیر قانونی طور پر کام کرنے سے انکار کردیا تھا۔

خط میں مزید کہا گیا ہے کہ بعد ازاں نائجیرین نیوی نے جہاز پر چھاپہ مار کر سب کو گرفتار کرلیا، نائجیرین تفتیشی ایجنسیز نے ہم دونوں کو کلیئر کردیا، ہمیں گرفتاری کے بعد عدالت میں پیش کیا گیا۔

نائجیرین عدالت نے ہم سے رہائی کیلئے ایک کروڑ50لاکھ روپے بطور ضمانت  اور ایک پاکستانی اور ایک نائجیرین شہری کی ضمانت  طلب کی ہے، پاکستان میں موجود ہمارے اہل خانہ اتنی بڑی رقم ادا کرنے سے قاصرہیں، لہٰذا وزیراعظم، وزیرخارجہ اور چیف جسٹس آف پاکسستان سے اپیل ہے کہ معاملے کا نوٹس لے کر ہماری مدد کی جائے۔

کپتان نصیر خان کا تعلق کراچی اور تھرڈ انجینئر محمد اعجاز کا تعلق راولپنڈی سے ہے۔ دونوں کے رشتے دارسخت پریشان ہیں۔

دوسری جانب نائجیریا میں قید شپنگ کمپنی کے ملازم دو پاکستانیوں کیپٹن نصیر خان اورانجینئر محمد اعجازکی رہائی کے لیے حکومت نے کوششیں شروع کردیں۔

وزیرخارجہ شاہ محمود قریشی نے کہا ہے کہ قونصلر رسائی مل گئی ہے۔ قانونی پہلوؤں کا جائزہ لے رہے ہیں ان کی ہرممکن مدد کریں گے۔

Comments

comments

یہ بھی پڑھیں