اسلام آباد : قومی ادارہ صحت نے پاکستان میں 3 ماہ سے اومیکرون کے ایکس بی بی ویرینٹ کی موجودگی کا انکشاف کرتے ہوئے کہا این سی او سی کورونا صورتحال کی مانیٹرنگ کر رہا ہے۔
تفصیلات کے مطابق قومی ادارہ صحت نے نئے کورونا سب ویرینٹ کی موجودگی کی تصدیق کردی۔
قومی ادارہ صحت ( این آئی ایچ ) نے سماجی رابطے کی ویب سائٹ ٹوئٹر پر اپنے بیان میں کہا ہے کہ 3 ماہ سے ملک میں اومیکرون کا ایکس بی بی ویرینٹ موجود ہے تاہم این سی او سی کورونا صورتحال کی مانیٹرنگ کر رہا ہے۔
NCOC-NIH refutes the news of any new COVID-19 subvariant. Currently, XBB Omicron sub-variant is already the dominant variant for the last 3 months. NCOC is closely monitoring the situation.
— NIH Pakistan (@NIH_Pakistan) January 4, 2023
خیال رہے کراچی میں کل سےاب تک کورونا کی نئی قسم ایکس بی بی اور ایکس بی بی ون کے چھ کیس رپورٹ ہوچکےہیں۔
محکمہ صحت کے مطابق یہ کیسز ڈیفنس شادمان، طارق روڈسمیت تین مقامات سےسامنے آئے ہیں۔
اس کے علاوہ لاہور میں کورونا کے ممکنہ پھیلاؤ کے پیش نظر ٹیکنیکل ورکنگ گروپ نے عمر رسیدہ افراد کو بوسٹر ڈوز لگانے کا فیصلہ کیا ہے جبکہ ڈاکٹروں اوربیرون ملک سفرکرنے والوں کوبھی بوسٹرڈوز لگائی جائے گی۔