The news is by your side.

Advertisement

کرونا وائرس کی کون سی اقسام پاکستان پہنچ چکی ہیں؟

اسلام آباد: ترجمان وزارت صحت کا کہنا ہے کہ نیشنل انسٹی ٹیوٹ آف ہیلتھ (این آئی ایچ) کرونا وائرس کی مختلف اقسام مانیٹر کر رہا ہے، کرونا وائرس کی بھارت، برطانیہ اور جنوبی افریقہ میں دریافت ہونے والی اقسام پاکستان پہنچ چکی ہیں۔

تفصیلات کے مطابق ترجمان وزارت صحت کا کہنا ہے کہ نیشنل انسٹی ٹیوٹ آف ہیلتھ (این آئی ایچ) کی کرونا وائرس کی صورتحال پر گہری نظر ہے، ادارہ کرونا وائرس کی مختلف اقسام مانیٹر کر رہا ہے۔

وزارت صحت کا کہنا ہے کہ مانیٹرنگ ٹیسٹ سیمپلز کی ہول جینوم سیکونسنگ سے کی جارہی ہے، مئی اور جون میں مختلف اقسام کے کرونا وائرس کی تصدیق ہوئی۔ ملک میں ڈیلٹا، بیٹا اور الفا کرونا وائرس سامنے آچکے ہیں۔

وزارت صحت کے مطابق ڈیلٹا، الفا اور بیٹا کرونا وائرس کا تعلق بھارت، برطانیہ اور جنوبی افریقہ سے ہے۔

ترجمان کا کہنا ہے کہ کرونا وائرس کی غیر ملکی اقسام سے این آئی ایچ کے حکام کو آگاہ کر دیا گیا، این آئی ایچ غیر ملکی کرونا کیسز سے متعلق پروٹوکولز پر عمل کر رہا ہے۔

یاد رہے کہ اب تک ملک میں کووڈ 19 کے مجموعی کیسز کی تعداد 9 لاکھ 64 ہزار 490 ہوچکی ہے جبکہ کرونا وائرس سے مجموعی اموات کی تعداد 22 ہزار 452 ہوگئی ہے۔

ملک میں اب تک 1 کروڑ 40 لاکھ 26 ہزار 856 افراد کو ویکسین کی ایک ڈوز جبکہ 33 لاکھ 63 ہزار 490 افراد کو ویکسین کی دونوں ڈوزز لگائی جا چکی ہیں۔

Comments

یہ بھی پڑھیں